वालिङ, २९ चैत । पतंजलि आयुर्वेद केन्द्र नेपालले वालिङ नगरपालिकालाई झण्डै साढे पाँच लाख बराबरको खाद्यान्न तथा साबुन उपलब्ध गराएको छ ।
वालिङ नगरपालिकाले स्थापना गरेको कोभिड १९ राहत कोषमार्फत वितरण गर्ने गरी पतंजलि आयुर्वेद केन्द्र नेपालले वालिङलाई खाद्यान्नसहित साबुन उपलब्ध गराएको नगर प्रमुख दीलिपप्रताप खाँणले बताए । “वालिङ नगरपालिकाले एकद्वार प्रणालीबाट राहत वितरण गर्ने निर्णय गरेसँगै अहिले नगरपालिकाको राहत कोषमा सहयोग आउने क्रमले तीब्रता पाएको छ” नगर प्रमुख खाँणले भने । “वालिङ नगरभित्रका अति विपन्न समुदायलाई वितरण गर्नका लागि पतंजलि आयुर्वेद केन्द्र नेपालले खाद्यान्न तथा हात धुनका लागि साबुन सहयोग गरेकोमा नगरपालिकाको तर्फबाट धन्यवाद ज्ञापन गर्दछु ।”
अहिलेको विषम परिस्थितिमा पतंजलि योग पीठका आचार्य बालकृष्ण महाराजको निर्देशनमा वालिङ नगरपालिकामा ठूलो सहयोग प्राप्त भएको बताउनुहुँदै नगर प्रमुख खाँणले प्राप्त सहयोगको सही सदुपयोग एवं पारदर्शी बनाउने उल्लेख गरे । नगर प्रमुख खाँणका अनुसार वालिङ नगरपालिकामा तीन लाख २४ हजार बराबरको साबुन, एकलाख ६८ हजार बराबरको चामल तथा ढुवानी गरी कूल पाँच लाख ४० हजार बराबरको सहयोग प्राप्त भएको हो । आयुर्वेद शिरोमणि आचार्य बालकृष्णजी महाराजको निर्देशन अनुसार पतंजलि आयुर्वेद केन्द्र नेपालले वालिङ नगरपालिकालाई साबुन तथा खाद्यान्न सहयोग उपलब्ध गराईएको आयुर्वेद केन्द्र नेपालका निर्देशक डा. पवमान सुबेदीले बताए ।
“कोरोना विरुद्धको लडाईमा सबै एकजुट भएर लड्नुपर्ने अवस्था छ” निर्देशक सुबेदीले भने । “यो जटिल अवस्थामा जे जति सकिन्छ त्यो सहयोग गर्नुपर्छ भन्ने लागेर आचार्यजीको निर्देशन बमोजिम हामीले वालिङमा उपलब्ध गराएका हौं ।”आगामी दिनमा पनि आईपर्ने जटिल परिस्थितिहरुसँग नगरपालिकासँग समन्वय र सहकार्य गर्दै अगाडि बढ्न तयार रहेको निर्देशक सुबेदीको भनाई थियो । वालिङ नगरपालिकाले स्थापना गरेको कोभिड १९ राहत कोषमा शनिबारसम्ममा नगद र खाद्यान्न गरी कूल २६ लाख ८३ हजार २ सय ४ संकलन भएको छ । राहत कोषमा १९ लाख ९५ हजार २ सय ४ नगद र ६ लाख ८८ हजार बराबरको खाद्यान्न र साबुन रहेको छ । नगरपालिकाले हाल १४ वटै वडामा कुपन सिष्टमबाट राहत वितरण गरिरहेको छ ।
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१