पोखरा । चलचित्र पत्रकार संघको अध्यक्षमा दिनेश सिटौला निर्वाचित भएका छन्। काठमाडांैमा सोमबार सम्पन्न निर्वाचनमा उनले अध्यक्षका प्रत्यासी डब्बु क्षेत्री, अनिल यादव र गीता अधिकारीलाई पराजित गर्दै निर्वाचित भएका हुन् ।

विजयी सिटौलाले कुल खसेको १ सय ३८ मतमध्ये ७०, क्षेत्रीले ३९, यादव र अधिकारीले १४–१४ मत प्राप्त गरेको जनाइएको छ । उपाध्यक्ष कार्यक्रममा जीवन पराजुली, उपाध्यक्ष महिला दीपज्योति थापा र उपाध्यक्ष संगठनमा कुवेर डंगोल निर्विरोध भएका थिए। उपाध्यक्ष कार्यक्रममा जीवनले कुवेर गिरीलाई पराजित गरेका हुन् ।

महासचिवमा समीर बलामी निर्वाचित भए । उनले समीर बलामीलाई हराए । सचिव रघुनाथ सापकोटा, सचिव (समावेशी) मा विशाल हसिन राई, कोषाध्यक्षमा प्रदीप कार्की र सह–कोषाध्यक्षमा विनोद पोखरेल निर्वाचित भए।सदस्यमा दीपक गुरुङ (समावेशी) र सुरक्षा भट्टराई (महिला) निर्विरोध भएका थिए। आशीष ओली, गोपी कृष्ण चापागाई, मिलन ढुङ्गाना, मनिष अञ्जान, नवीन गिरी र सृष्टि पोखरेल निर्वाचित भए ।