पोखरा । पोखरामा क्रियाशील गीतकारको भेलाले हरिहर खनियाँको अध्यक्षतामा ११ सदस्यीय कार्यसमिति गीतकार प्रतिष्ठान गठन गठन गरेको छ ।समितिको उपाध्यक्षमा शीतल गिरी, महासचिव अनुराग अधिकारी, कोषाध्यक्ष बिर्सना बस्नेत र सचिव रुपिन्द्र प्रभावी छन् । सदस्य रेशम रचक, देवी त्रिपाठी, मिर्मिसा पराजुली, जीवन पण्डित, प्रकाश अधिकारी र लाल कार्की ‘अञ्जान’ चयन भएका छन् ।

यसैबीच, प्रतिष्ठानको बैठकबाट सरुभक्त, तीर्थ श्रेष्ठ, प्रकट पगेनी ‘शिव’, डा. कृष्णहरि बराल र हरिदेवी कोइरालालाई सल्लाहकार चयन गरिएको छ । प्रारम्भिक चरण भेलामा उपस्थित गीतकारमध्येबाट समिति गठन भएको र आगामी दिनमा पोखरा र पोखराबाहिर क्रियाशील विभिन्न गीतकारलाई संस्थामा समेट्दै अघि बढ्ने योजना रहेको महासचिव अनुराग अधिकारीले जानकारी दिए ।

विभिन्न विधागत संस्थाहरु स्थापना भइसकेको पोखरामा गीतसम्बन्धी विधागत संस्थाको आवश्यकता बोध भएर यो अभियानमा लागेको अध्यक्ष हरिहर खनियाँले बताए । उनका अनुसार प्रतिष्ठानले गीतकारको हकहित र उनीहरको पहिचानको खोजी गर्ने लगायत उद्देश्य रहेको बताए ।