लक्ष्मीको ‘माइतीको घर’ (भिडियो सहित)

Avatar आदर्श समाज सम्वाददाता
श्रावण २२, २०७६

‘घ्यू दिन लाएसी बिलौनी

दूध दिन लाएसी कुराउनी

सबैको घर, तीजको दर

चेलीलाई पुर्याउनी’

गायिका लक्ष्मी मल्ल ठकुरीले ‘माइतीको घर’ लाई यस वर्षको तीज कोसेलीका रुपमा प्रस्तुत गरेकी छन्। मौलिक तीजको भाकामा लक्ष्मीले ‘माइतीको घर’ गाएकी छन्। यस गीतको स्वरमा लक्ष्मीलाई वसन्त थापा र श्रीकृष्ण बम मल्ल ठकुरीले साथ दिएका छन्।

गीतको शब्द रचना गरेका मल्लले शुरुमै ‘चमत्कार, स्वीकार्नुस नमस्कार’ को शब्दबाट यस गीतको उठान गरेका छन्।

नौडाँडा पारी रहेकी एउटा चेलीले आफ्नो माइती घर सम्झेका शब्दहरुलाई मल्लले शब्द रचना गरेका छन्। युट्युबमार्फत म्यूजिक भिडियो हालैमात्र सार्वजनिक भएको हो।

गीतको निर्माता बब्बु थापा हुन्। वसन्त थापाले गीतमा संगीत भरेका छन्। गीतको गायकी, शब्द रचना, लय र संगीतको संयोजन मिलेको ‘माइतीको घर’ छमछमी’ नाच्ने गीत बनेको छ। गीतमा बब्बु थापा, महेन्द्र गौतम, करिष्मा ढकाल, हेम श्रेष्ठ र एञ्जल भण्डारी छमछमी नाचेका छन्।

सुदीप सागरले गीतको एरेञ्ज गरेका छन्। दुर्गा पौडेलले गीतको छायांकन गरेका हुन्। प्रवीण भट्टले म्यूजिक भिडियोको सम्पादन गरेका हुन्। बब्बु थापाले भिडियोको निर्देशन गरेका हुन्। गीतमा मौसम हिमालीको कोरियोग्राफी रहेको छ।

मारुनी डिजिटल प्रालिले भिडियो तयार पारेको हो। एकता फिल्मस्ले गीतको दृश्य निर्माण गरेको हो। कुमार रानाले गीतको मिक्सिङ गरेका छन्।

तपाइको विचार व्यक्त गर्नुहोस्

हाम्रो सुझाव

नेपाल आइडलको अडिसनको तयारी

प्रेम संसारको ‘सुनैना सुनैना’

‘रातो टीका निधारमा’ शीर्षगीत सार्वजनिक

घलेलमा प्रकटका गजल

तल्लो गगनगौडा आमा समूह विजयी

प्रमुख समाचार

विधिको शासन नचल्दा राष्ट्र नै समाप्त हुन्छ- प्रदेश प्रमुख

थप प्रमुख समाचार