Worldlink ads

‘सालिक’ लिएर आए शीतल गिरी

आदर्श समाज सम्वाददाता
वैशाख २८, २०७६
salik

पोखरा, २८ वैशाख । प्रसिद्ध गीतकार शीतल गिरीको सालिक मुक्तक सञ्चयन शनिबार एक कार्यक्रमका बिच विमोचन भएको छ । मुक्तक मञ्च, पोखराले आयोजना गरेको एक कार्यक्रमका बिच सो कृतिको विमोचन सम्पन्न भएको हो ।

कृतिको विमोचन गर्दै साहित्यकार सरुभक्तले मुक्तक काव्यको लघुतम विधा भएकाले यसको लेखनकार्य उत्तिकै कठिन साधनाबाट मात्र सम्भव हुने बताए । मुक्तक लेखन निकै तीव्र गतिमा हुँदै गएको वर्तमान अवस्थामा यसको स्तरीयता र विधागत सचेतनामा समेत विशेष ध्यान दिनु पर्ने अवस्था आएको जनाउँदै उनले मुक्तककारहरूलाई यसतर्फ गम्भीर हुन आग्रह गरे ।

मुक्तक लेखन जति सजिलो र छिटो हुने ठानिन्छ, स्तरीय मुक्तक लेखन उत्तिकै कठिन छ भन्दै उनले समसामयिक विषयलाई धारिलो प्रक्षेपण गर्दै प्रस्तुत हुने मुक्तकको गरिमालाई लेखकहरूले कायम राख्नुपर्ने कुरामा जोड दिए ।

कार्यक्रममा बोल्दै सर्जक शीतल गिरीले मुक्तक विधासँग आफ्नो नजिकको सम्बन्ध रहेको बताउँदै गीत, गजल र मुक्तकको लेखनका आफ्ना अनुभव र धारणाहरू राखेका थिए । आगामी दिनमा पनि साहित्य रचनामा निरन्तर लागिरहने बताउँदै उनले मुक्तक कृतिका बारेमा सुझाव सल्लाहको पर्खाइमा आफू रहिरहने जनाए । कार्यक्रममा बी.एन् पुस्तक संसारका प्रकाशक सूर्य बीसीले मन्तव्य व्यक्त गर्दै स्रष्टा र प्रकाशकका बिचमा निरन्तर सहकार्य आवश्यक रहेको र गुणस्तरीय कृति प्रकाशनमा ध्यान पुग्नुपर्ने कुरामा जोड दिए । सो क्रममा मुक्तककार गिरीको स्रष्टा परिचय प्रस्तुत गर्दै मन क्षेत्रीले गिरीको कलम फरक स्वाद लिएर आएको बताउँदै उनको सर्जक व्यक्तित्वका बारेमा संक्षिप्तमा जानकारी गराएका थिए ।

सोही अवसरमा मुक्तक मञ्च, पोखराको नियमित १३२ औँ शृङ्खलासमेत सम्पन्न भयो । त्यस क्रममा श्रीराम अधिकारी ‘गोर्जे’, राजीव रिमाल, अनिता दाहाल, रोशन तल्कोटे, लगायत दुई दर्जन मुक्तककारले मुक्तक वाचन गरेका थिए । मुक्तक मञ्च, पोखराका अध्यक्ष प्राञ्जलको अध्यक्षतामा सम्पन्न सो कार्यक्रमको सञ्चालन मञ्चका सचिव रामजी प्रसाद आचार्यले गरेका थिए भने स्वागत मन्तव्य भरत पौडेलले राखेका थिए ।

Related News

सम्बन्धित समाचार

    • दीपक समीपकाे मुक्तक संग्रह ‘अक्षर अक्षरमा देश’ लोकार्पण

      आदर्श समाज सम्वाददाता माघ २, २०७८
      पोखरा । साहित्यकार दीपक समीपको मुक्तक सञ्चयन ‘अक्षर अक्षरमा देश’ शनिबार लोकार्पण गरिएको छ । पोखरेली युवा सांस्कृतिक परिवारको आयोजनामा…
    • गण्डकीका लोकसंस्कृति अनुसन्धान पहल

      आदर्श समाज सम्वाददाता पौष ३०, २०७८
      पोखरा । गण्डकी प्रज्ञा प्रतिष्ठानले प्रदेशभित्रका विभिन्न १५ समुदायका लोकनृत्य र लोकबाजाबारे खोज–अनुसन्धान कार्य अगाडि बढाएको छ । प्रतिष्ठानले थकाली, थारु,…
    • लेखनाथ जन्मस्थलमा सम्मानै सम्मान

      आदर्श समाज सम्वाददाता पौष १५, २०७८
      पोखरा । कविशिरोमणि लेखनाथ पौडेलको जन्मजयन्ती उनकै जन्मस्थल अर्घाै अर्चलेमा विशेष समारोह गरी बिहीबार मनाइएको छ । समारोहमा कवि शिरोमणि…
    • एलबीका कवितामा रमे कविता पारखी

      आदर्श समाज सम्वाददाता पौष ११, २०७८
      पुस । कविताप्रेमी स्रष्टा अग्रज साहित्यकार एलबी क्षेत्रीका कवितावाचनमा कविता पारखी रमेका छन् । पुसको चिसो मौसममा पनि क्षेत्रीले मानवतावाद,…
    • समता काव्य सन्ध्याको ३४३ औं शृंखला

      आदर्श समाज सम्वाददाता पौष ५, २०७८
      पोखरा । कविताको अघोषित पाठशालाका रूपमा परिचित पोखरेली युवा सांस्कृतिक परिवारले सञ्चालन गर्दै आएको समता काव्य सन्ध्याको ३ सय ४३…

    hero news full width