१४ वुँदे घोषणापत्र जारी गर्दै काँग्रेस जिल्ला कोषाध्यक्षहरुको राष्ट्रिय सम्मेलन सम्पन्न

Avatar आदर्श समाज सम्वाददाता
चैत्र ३०, २०७५

पोखरा, ३० चैत । कांग्रेस जिल्ला कोषाध्यक्षहरुको पोखरामा सम्पन्न तेस्रो राष्ट्रिय सम्मेलनले १४ वुँदे घोषणापत्र जारी गर्दै पार्टीभित्रको व्याप्त गुट उपगुट अन्त्य गर्न नेतृत्वलाई दवाव दिएका छन् ।

शुक्रवार साँझ सम्पन्न सम्मेलनले पोखरा घोषणा पत्र जारी गर्दै यस्तो दवाव दिएको हो । त्यसैगरी काँग्रेस भित्र गुट उपगुट, भागबन्डाको प्रवृति छाडेर सक्षम र न्ययपूर्ण रुपमा जिम्मेवारी प्रदान गर्न आग्रह गरिएको छ ।

१४ बुँदे घोषणापत्र निरन्तरता, लोकप्रियता, योग्य एवं निष्पक्ष छवि भएकालाई अवसर दिनुपर्ने, गुट उपगुटलाई बन्द गर्न पार्टीको केन्द्रीय कार्यसमितिलाई अनुरोध गर्ने भनिएको छ । घोषणा पत्र सार्वजनिक गर्दै कास्की जिल्ला कोषाध्यक्ष लक्ष्मी पाण्डेले पार्टीभित्र पदाधिकारी चयन गर्न पनि मतदान गर्नुपर्ने बताइन् ।

केन्द्रदेखि तल्लो तहसम्मका कोषाध्यक्षहरुको चयन मतदान प्रक्रियाबाटै हुनु पर्ने, कास्की निर्वाचन क्षेत्र नम्बर २ लगायत देशभरीका संघ, प्रदेश तथा स्थानीय तहका रिक्त रहेका पदमा छिट्टै उपनिर्वाचन गर्नुपर्ने, कांग्रेस जिल्ला कोषाध्यक्षहरुले माग गरेका छन् ।

नेकपा केपी नेतृत्व सरकारको दम्भकै कारण देशमा अशान्ति फैलिनुको साथै हतया, हिंसा, बलत्कार र भ्रष्टाचार अत्याधिक वढेकोले त्यस्ता कार्यको बिरोधमा आन्दोलनका कार्यक्रम अघि सार्न पनि कोषाध्यक्षहरुले पार्टी नेतृत्वलाई आग्रह गरेका छन् ।
पार्टीको जिल्ला तहमा आर्थिक अवस्था कमजोर हुन नदिन नेता तथा कार्यकर्तावाट लेबी संकलन गर्नु पर्ने, व्यापारी र उद्योगीसँग चन्दा माग्न जान नपरोस् भन्दै प्रत्येक जिल्लामा ६ महिना भित्र पार्टीको अपतकालिन आर्थिक कोषमा १० लाख रुपैयाँ वचन गर्ने घोषणापत्रमा उल्लेख छ ।

पार्टीका भातृ संगठन एवं शुभेच्छुक संस्थाहरुको निर्वाचन समयमै गराउन केन्द्रलाई आग्रह गरिने र पार्टीको सदस्यता वितरण पारदर्शी, वैज्ञानिक एवं निष्पक्ष तवरले गर्न सूचित गर्ने बताइएको छ । जिल्ला कोषाध्यक्षहरुकोे तेस्रो राष्ट्रिय सम्मेलन बिहीबारदेखि सुरु भएको थियो । सम्मेलनको उद्घाटनमा पार्टी सभापति शेरबहादुर देउवा, वरिष्ठ नेता रामचन्द्र पौडेल, महामन्त्री शंशाङ्क कोइराला, केन्द्रीय सदस्य तथा अन्य नेताको उपस्थित थियो ।

तपाइको विचार व्यक्त गर्नुहोस्

प्रमुख समाचार

एसइईको परीक्षाफल असार १५ गतेसम्म आउन सक्ने