१३ स्रष्टा नेपालश्री वाङ्मयबाट सम्मानित

आदर्श समाज सम्वाददाता
चैत्र २४, २०७५
hemja_Fotor

पोखरा, २३ चैत। यस वर्षको नेपाल श्री पुरस्कार कोषबाट नेपाली राष्ट्रियता प्रवद्र्धनमा केन्द्रित आरोहण महाकाव्यका स्रष्टालाई सामूहिक सम्मान गरिएको छ।

नेपाल श्री पुरस्कार कोष हेमजा, पोखरा–२५ ले आरोहण महाकाव्यका १३ स्रष्टालाई पोखरामा शनिबार एक समारोह आयोजना गरी नेपालश्री वाङ्मय सम्मान अर्पण गरेको हो।

सम्मानित हुनेमा गोपिकृष्ण शर्मा, राजेन्द्र सुवेदी, भुवनहरि सिग्देल, ठाकुर शर्मा भण्डारी, श्रीहरि फुयाँल, प्रकाश चापागाई, जीवन अधिकारी, नारायणप्रसाद पोखरेल, रामप्रसाद ज्ञवाली, लेखप्रसाद निरौला, देवी नेपाल, रमेश शुभेच्छु र नारायण निरासी रहेका छन्।

नेपाली महाकाव्यिक क्षेत्रमा नवीनतम् प्रयोगका साथ राष्ट्रिय एकता, सम्पदा र सद्भावको प्रवद्र्धन गर्ने आरोहण महाकाव्य रचनामा पुर्याएको योगदानको कदर गर्दै सो सम्मान गरिएको हो।

उक्त कोष संरक्षकमा नेपाल श्री महाकाव्यका स्रष्ट जनार्दनशरण त्रिपाठी रहेका छन्। १३ जना स्रष्टा मिलेर संयुक्त रुपमा २० सर्गमा आरोहण महाकाव्य तयार पारेका थिए।

प्रमुख अतिथि सहप्राध्यापक डा नारायणप्रसाद अधिकारी, नेपाल श्री पुरस्कार कोषका संरक्षक जनार्दनशरण त्रिपाठी, महाकाव्यकार माधव वियोगी र नेपाल श्री पुरस्कार कोषका अध्यक्ष अरुणस्त्तोम त्रिपाठीले सम्मान गरेका थिए।

प्रमुख अतिथि डा अधिकारीले कृतिको नामबाट पुरस्कार राखेर ऐतिहासिक काम गरेको भन्दै प्रशंशा गरे।

‘धेरै ठाउँमा व्यक्तिको नामबाट संस्था स्थापना गरी पुरस्कार राख्ने प्रचलन रहेको छ’, उनले भने, ‘तर यहाँ भने कृतिको नामबाट पुरस्कार कोष स्थापना गर्नु यो ऐतिहासिक काम हो।’ उनले यो सम्मानले नेपाल श्री पुरस्कार कोषको ओझ झनै बढेको बताए।

महाकाव्यकार माधव वियोगीले छन्द र महाकाव्यको सम्मान भएको बताउँदै यो सम्मानले राष्ट्र र समाजलाई सन्देश दिने काम गरेको उल्लेख गरे।

सम्मानित स्रष्टा राजेन्द्र सुवेदीले सम्मानले भाषा, इतिहास र एकिकरणको सम्मान भएको बताए। ‘१३ जना मिलेर यो ठेली श्रृंखरीकरण गर्नु चुनौती थियो’, उनले भने, ‘चुनौतीबीच पनि निष्कर्षमा पुग्यौं र महाकाव्य प्रकाशन गर्न सक्यौं।’

नेपाल श्री पुरस्कार कोषका संरक्षक जनार्दनशरण त्रिपाठीले राष्ट्रिय भावनाले ओतप्रोत भएर नै आरोहणका स्रष्टाहरुलाई सम्मान गरिएको बताए।

कार्यक्रममा आरोहणका स्रष्टा जीवन अधिकारी, नारायणप्रसाद पोख्रेल, साहित्यकार आवाज शर्मा, शिव त्रिपाठी, नेपाल श्री पुरस्कार कोष सदस्य छन्दिका त्रिपाठीले बोलेका थिए।

नेपाल श्री पुरस्कार कोषका अध्यक्ष अरुणस्त्तोम त्रिपाठीको अध्यक्षतामा भएको कार्यक्रममा उपाध्यक्ष डा बाबुराम अधिकारीले स्वागत र महासचिव शंकरमणि त्रिपाठी ‘छन्दमणि’ ले सञ्चालन गरेका थिए।

Related News

सम्बन्धित समाचार

  • नाचगान गरेर मतदाता फकाउँदै राष्ट्रिय युवा संघ

    आदर्श समाज सम्वाददाता वैशाख २२, २०७९
    पोखरा, २२ वैशाख । नेकपा एमालेका उम्मेदवार जिताउन एमालेको भातृ संगठन राष्ट्रिय युवा संघ कास्की जिल्ला कमिटीले रचनात्मक सांस्कृतिक कार्यक्रमसहित…
  • ‘छाइल’ उपन्यासमाथि विमर्श

    आदर्श समाज सम्वाददाता वैशाख १९, २०७९
    काठमाडौं । सुदूरपश्चिमका चर्चित कवि लोकराज भट्टको पहिलो उपन्यास ‘छाइल’ले डोट्याली सभ्यतालाई नेपाली साहित्यको मुलधारमा प्रवेश गराएको टिप्पणी गरिएको छ…
  • प्रतिबिम्बन कथासंग्रह लोकार्पण

    आदर्श समाज सम्वाददाता वैशाख १२, २०७९
    हेमजा । भाषा, साहित्य र अनुसन्धान कार्यमा संलग्न विष्णुप्रसाद शर्माको आठौं कृति प्रतिबिम्बन कथासंग्रह लोकार्पण गरिएको छ । सिर्जनशील लोकतान्त्रिक…
  • शुक्ला साहित्यद्वारा ३ स्रष्टालाई पुरस्कार

    आदर्श समाज सम्वाददाता वैशाख ११, २०७९
    पोखरा । शुक्ला साहित्य प्रतिष्ठानले शनिबार ३ जना स्रष्टालाई पुरस्कार अर्पण गरेको छ । प्रतिष्ठानद्वारा आयोजित कार्यक्रममा ज्ञानु राणा, डा.…
  • कवि रीता अधिकारी ’ऋतु’ को सेल्फ पोट्रेट लोकार्पण

    आदर्श समाज सम्वाददाता वैशाख ११, २०७९
    पोखरा । कवि रीता अधिकारी ’ऋतु’ को कविता संग्रह ‘सेल्फ पोट्रेट’ शनिबार पोखरामा लोकार्पण गरिएको छ । साहित्यकारद्वय सरुभक्त र…

hero news full width