व्याङ्ग्यचित्रकारलाई ‘बराथा स्मृति सम्मान’

rss रासस
चैत्र ७, २०७५
Durga Baral-14

काठमाडौँ, ७ चैत । नेपाल कार्टुनिष्ट क्लबले तीन व्याङ्ग्यचित्रकार (कार्टुनिष्ट)लाई ‘बराथा स्मृति सम्मान’ र प्रदान गरेको छ ।
कार्टुनमार्फत समाजमा पु¥याएको योगदानको मूल्यङ्कन गर्दै आज राजधानीमा आयोजित ‘बराथा स्मृति सम्मान तथा स्वर्ण कुचिकलम समर्पण’ समारोहमा कार्टुनिष्टत्रय दुर्गाप्रसाद बराल ‘वात्सायान’, मोहनश्याम महर्जन र धीरेनकुमार दाहाल ‘डिकेड’लाई कदरपत्रसहित दोसल्ला ओढाएर सम्मान गरिएको छ ।

उनीहरुलाई संस्कृतिविद् सत्यमोहन जोशीले सम्मान प्रदान गर्नुभयो । कार्यक्रममा प्रधानमन्त्रीका प्रेस सल्लाहकार डा कुन्दन अर्याल, प्राध्यापक रामकुमार पाँडे, अशोकमान सिङ, नारदमणि हार्तम्छालीसहित नेपाल ललितकला प्रज्ञा–प्रतिष्ठान, वासुदेव–विद्यादेव लुइँटेल गुठी, कामना मासिक प्रकाशनलाई ‘स्वर्ण कुचिकलम अवार्ड’ प्रदान गरिएको थियो ।

कार्यक्रमलाई सम्बोधन गर्दै संस्कृतिविद् जोशीले राणाकालमा समेत गाइजात्राका बेलामा कार्टुन बनाउन छुट भएको प्रसङ्ग उल्लेख गर्दै समाजमा हास्यव्याङ्ग्य कलाले महत्वपूर्ण योगदान पु¥याएको बताए ।

उनले मुलुक आर्थिक समृद्धिको नारासहित अगाडि बढिरहेका बेला जलविद्युत् आयोजना निर्माण गरेर मात्रै नहुने भन्दै कला र संस्कृतिका माध्यामबाट पनि देश समृद्ध पार्न सकिने उल्लेख गरे ।

नेपाल कार्टुनिष्ट क्लबका अध्यक्ष अविन श्रेष्ठले विगतमा अग्रजले दिएको योगदानलाई सम्झनका लागि बलराम थापा (बराथा)को स्मृतिमा सम्मान गर्ने परम्परा शुरु गरेको उल्लेख गरे । उनले ललितकला प्रज्ञा–प्रतिष्ठानलाई कार्टुनको सङ्ग्रहालय स्थापना गर्न आग्रह गरे ।

बराथा गोरखापत्रका पुराना कार्टुनिष्ट थिए । विसं २०७० देखि शुरु भएको सम्मान कार्यक्रमअन्तर्गत यसअघि गोवद्र्धनविक्रम शाह र शशिविक्रम शाह सम्मानित भइसकेका छन् ।

कार्यक्रममा नेपाल प्रज्ञा–प्रतिष्ठानका कुलपति कान्छाकुमार कर्माचार्य, स्वर्ण कुचिकलम पाउनेमध्येबाट डा अर्याल, सम्मानितका तर्फबाट वात्सायान, क्लबका सचिव योगेशकुमार खपाङ्गी, महासचिव देवेन्द्र थुम्केली तथा केशवराज खनालले कार्टुन विधाको विषयमा आफ्ना भनाइ राखेका थिए ।

Related News

सम्बन्धित समाचार

    • घरबेटीकी छोरी

      सुरेश बडाल सुरेश बडाल फागुन २२, २०७७
      बिजुलीभन्दा तेज गतिमा निकाली डंगुरबाट सानो लुगाको टुक्रा । अनि खितिति हाँस्दै निस्किई मेरो कोठाबाट । ऊ गई मेरो मनमा…
    • रवीन्द्र अधिकारीकाे स्मृति ग्रन्थ सार्वजनिक

      Avatar आदर्श समाज सम्वाददाता फागुन २१, २०७७
      काठमाडौं । ताप्लेजुङमा हेलिकप्टर दुर्घटनामा निधन भएका तत्कालीन संस्कृति पर्यटन तथा नागरिक उड्डयनमन्त्री रवीन्द्र अधिकारीको जीवनवृतान्त समेटिएको पुस्तक ‘स्मृतिमा रवीन्द्र…
    • गैंडाकोटको हर्कपुरमा फाइनप्रिन्ट फिभर

      Avatar आदर्श समाज सम्वाददाता फागुन २०, २०७७
      काठमाडौं । विश्वव्यापी रूपमा फैलिएको कोभिड–१९ को प्रभावबाट कुनै पनि क्षेत्र अछुतो रहेन । ठुल्ठूला उद्योग, कलकारखानादेखि ससाना खुद्रे पसल, शैक्षिक…
    • ‘चुल्ठो’ : कविताको खडेरीमा राहत

      धनबहादुर गुरुङ धनबहादुर गुरुङ फागुन १९, २०७७
      पोखरा, १९ फागुन । कवि, उपन्यासकार सहित्यकार सरस्वती प्रतीक्षाको भनाइ सापटी लिने हो भने, केही समय अगाडिसम्म पोखरामा कविताको खडेरी…
    • पोखरा प्रज्ञा प्रतिष्ठान कुलपति, प्राज्ञ सदस्यले लिए सपथ

      Avatar आदर्श समाज सम्वाददाता फागुन १९, २०७७
      पोखरा । पोखरा प्रज्ञा प्रष्ठिानका कुलपतिसहित प्राज्ञ सदस्यले सपथ लिएका छन् । पोखरा महानगरको हलमा आयोजित कार्यक्रममा मेयर मानबहादुर जिसीले कलुपति…

    hero news full width

    sanil ads

    wordlink ads