तझ्या र गुरुङ पुरस्कृत

आदर्श समाज सम्वाददाता
माघ ८, २०७५
siddhi-setuli_Fotor

पोखरा, ७ माघ । सिद्धी–सेतुली स्मृति प्रतिष्ठान पोखराले स्थापना गरेको सिद्धी–सेतुली स्मृति पुरस्कारबाट यस वर्ष प्रमिला तझ्या पुरस्कृत भएकी छन् ।

एकल महिलाको हक अधिकार क्षेत्रमा योगदान गरेको भन्दै उनलाई पुरस्कृत गरिएको हो । यस्तै सानिमा स्मृति पुरस्कारबाट अपाङ्गताको क्षेत्रमा योगदान गरेकोमा हेमबहादुर गुरुङ पुरस्कृत भएका छन् । डेढ दशकदेखि उनी अपाङ्ता भएका व्यक्तिहरुको हकअधिकार क्षेत्रमा निरन्तर क्रियाशील छन् । पुरस्कृत व्यक्तित्वको परिचय छनौट समिति संयोजक तथा प्रतिष्ठानका पूर्व अध्यक्ष नारायण कार्कीले दिएका थिए ।

दुवै पुरस्कारको राशि १० हजार नगद र सम्मानपत्र छ । प्रमुख आमन्त्रित ब्यक्तित्व डा कुमारशमशेर राणाले विशेष समारोहबीच सोमबार पुरस्कार अर्पण गरे ।

कार्यक्रमलाई सम्बोधन गर्दै उनले सामाजिक क्षेत्रमा योगदान गरेका व्यक्ति तथा संस्थालाई सिद्धी–सेतुली स्मृति प्रतिष्ठानले पुरस्कृत र सम्मानित गर्दै प्रशंसनीय काम गरेको बताए । उनले सहज जीवन बिताउन र अधिकारका क्षेत्रमा निरन्तर लागिरहन दुवै पुरस्कृत ब्यक्तिलाई आग्रह गरे ।

कार्यक्रममा पोखरा उद्योग वाणिज्य संघका पूर्व अध्यक्ष सुरेशकुमार राजभण्डारी, साहित्यकार तथा पश्चिमाञ्चल विकास मञ्चका संरक्षक धर्मराज बराल, पोखरा सफाइ अभियानका अभियन्ता रामबहादुर पौडेल, पुरस्कृत ब्यक्तिद्वय तझ्या र गुरुङले बोलेका थिए ।

संस्थाका संरक्षक विश्वरत्न शाक्यले संस्थाले गर्ने कामबारे जानकारी गराएका थिए । प्रतिष्ठानले गरीब तथा जेहेन्दार विद्यार्थीलाई शैक्षिक छात्रवृत्ति प्रदान गर्दै आएको छ भने सामाजिक क्षेत्रमा क्रियाशील ब्यक्ति तथा संस्थालाई सम्मान तथा पुरस्कृत गरिरहेको छ ।

कार्यक्रममा ‘मैत्री शिक्षा समूह’ का बालबालिकाले नृत्य प्रस्तुत गरेका थिए ।

संस्थाका अध्यक्ष नरेन्द्रमान लालचनको अध्यक्षतामा भएको कार्यक्रमको सञ्चालन कल्याण पन्तले गरेका थिए ।

Related News

सम्बन्धित समाचार

  • पर्यटन दिवसमा लेकसाइडमा मिनी सडक महोत्सव

    आदर्श समाज सम्वाददाता असाेज ९, २०७९
    पोखरा। रेष्टुरेण्ट एण्ड बार एशोसिएसन नेपाल (रेवान) पोखराको आयोजनामा यही असोज ११ गते पोखराको लेकसाइडमा मिनि सडक महोत्सव २०७९ आयोजना…
  • गण्डकी सरकारले घटायो करका दर, २ अध्यादेश पारित

    आदर्श समाज सम्वाददाता असाेज ८, २०७९
    पाेखरा । गण्डकी प्रदेश सरकारले नागरिकको आवाज सम्बोधन गर्दै करका दरमा पुनावलोकन गर्ने लगायत ३ महत्वपूर्ण निर्णय गरेको छ । असोज…
  • महानगरमा मेरा ५ वर्ष

    शंकर बास्तोला असाेज ८, २०७९
    विल्कुल नयाँ संरचनामा स्थानीय तहको पहिलो निर्वाचन हुँदै थियो । २०५९ पछि रिक्त स्थानीय निकाय सरकारका रुपमा २०७४ मा ब्युँतियो…
  • नागरिकताका लागि संघर्ष

    धनबहादुर गुरुङ असाेज ८, २०७९
    पोखरा । नेपालका यौनिक तथा लैंगिक अल्पसंख्यक समुदाय (पारलैंगिक) मध्ये ‘अन्य’ लैंगिक पहिचानबाट १ सय ८३ जनाले नागरिकता लिइसकेका छन्…
  • पहिलोपल्ट पम्प सिस्टममा बिजुली

    आदर्श समाज सम्वाददाता असाेज ७, २०७९
    पोखरा । नेपालमै पहिलो पटक पम्पिङ प्रणालीबाट विद्युत उत्पादन पोखरामा गरिने भएको छ । पम्पबाट पानी तानेर इन्टेकमा स्टोर गर्ने…

hero news full width