नेपाल संवत् ११३९ अवसरमा शुभकामना र्‍याली

Avatar आदर्श समाज सम्वाददाता
कार्तिक २५, २०७५

पोखरा, २४ कात्तिक। नेपाल संवत् ११३९ अवसरमा पोखरामा बिहीवार शुभकामना र्‍याली निकालियो।

नेवाः खल कास्कीको आयोजनामा भएको उक्त र्‍याली पोखरा-१ बगरबाट शुरु भई बागबजार, सिंहनाथ टोल, मोहरियाटोल, भैरवटोल, भीमसेनटोल हुँदै नेवाः छे भवनमा पुगेको थियो।

विभिन्न जातजातिको सहभागिता रहेको सो र्‍यालीमा कुँडहर नेवाः कच खल प्रथम, नेपाल राष्ट्रिय खड्गी समाज द्वितीय र नेवाः मिस पुच तेसापट्टी नदीपुर तृतीय भई पुरस्कृत भएका थिए।

यस्तै, नेवाः खलः कास्कीको रजत महोत्सव अवसरमा कार्यालय परिसरभित्र निर्माण गरिएको राष्ट्रिय विभूति शंखधर साख्वाको प्रतिमाको अनावरण गरिएको थियो। कार्यक्रमका प्रमुख अतिथि पोखरा महानगरपालिकाका प्रमुख मानबहादुर जिसीले प्रतिमा अनावरण गरेका थिए।

त्यस अवसरमा प्रमुख अतिथि जिसीले नेपार समुदायले आफ्नो भाषा संरक्षणका लागि ध्यान दिन आग्रह गरे।

तमु धिं नेपालका अध्यक्ष कर्मा गुरुङले नेवार समुदाय जनजातिमध्ये अग्रस्थानमा रहेको बताइन्। नेवाः खल कास्कीका अध्यक्ष अशोक पालिखेको अध्यक्षतामा भएको उक्त कार्यक्रममा उपाध्यक्ष तीथ श्रेष्ठले स्वागत मन्तव्य राखेका थिए भने कार्यक्रम सञ्चालन महासचिव आनन्द श्रेष्ठले गरेका थिए।

Comments on नेपाल संवत् ११३९ अवसरमा शुभकामना र्‍याली

हाम्रो सुझाव

विकासका लागि सुशासन

जगत्गुरुको नागरिक अभिनन्दन तयारी अन्तिम चरणमा

रामबजारमा आकस्मिक रक्तदान

पूर्व प्रधानमन्त्री कोइरालाको नवौं स्मृति दिवस

प्रमुख समाचार

हिउँ पन्छाउन नेताहरू बीच होड

थप प्रमुख समाचार

हिउँ पन्छाउन नेताहरू बीच होड

सबै परीक्षा केन्द्रमा सेनेटरी प्याड