पोखरा । पत्रकार ऋषिकान्त पौडेललाई यातायात व्यावसायिक पत्रकारिता पुरस्कार–२०८० प्रदान गरिने भएको छ । पोखरा यातायात प्रालिले प्रदान गर्ने उक्त पुरस्कारबाट पुरस्कार छनोट समितिको निर्णयबमोजिम कान्तिपुर टेलिभिजनका उपसम्पादक पौडेल सम्मानित हुन लागेका हुन् ।

पुरस्कार राशित २५ हजार रुपैयाँ साथमा सम्मानपत्र छ ।

नेपाल प्रेस युनियन केन्द्रीय उपाध्यक्षसमेत रहेका पौडेल १७ वर्षदेखि पत्रकारितामा क्रियाशील छन् ।

उनी जगन्नाथ सिग्देलको स्मृतिमा नेपाल पत्रकार महासंघ कास्कीद्वारा सञ्चालित हिमदुत पत्रकारिता पुरस्कारबाट पनि पुरस्कृत हुनुका साथै विभिन्न सामाजिक संघसंस्थाबाट समेत सम्मानित भइसकेका छन् ।

पोखरा यातायात प्रालिको साधारण सभा अवसरमा पुरस्कार प्रदान गरिने कम्पनीका प्रबन्ध निर्देशक अमृत तिमिल्सिनाले बताए ।