पोखरा । कास्कीको रिभानमा भएको जातीय छुवाछूतको घटनामा संलग्न व्यक्तिमाथि कारवाही गर्न राष्ट्रिय स्वतन्त्र पार्टी (रास्वपा) का सांसद शिव नेपालीले माग गरेका छन् । प्रतिनिधि सभाको आइतबार बसेको बैठकको शून्य समयमा बोल्दै उनले यस्तो माग गरेका हुन् ।
कास्कीबाटै प्रतिनिधि सभामा प्रतिनिधित्व गर्ने रास्वपाका सांसद नेपालीले कास्कीमा गत फागुन २५ गते दलितले छोएको भन्दै भतेर घोप्ट्याइएको र उक्त घटनामा वडा अध्यक्ष रामजी लामिछाने र स्थानीय सरीता लामिछानेमाथि कडाभन्दा कडा कारवाहीको माग गरेका छन् ।
उनले फरार रहेका दुवै जनालाई पक्राउ गरेर कानुनी कठघरामा ल्याउन माग गरेका हुन् । २१ आंै शताब्दीमा पनि यस्तो छुवाछूतजन्य कार्य हुनु निन्दनीय कार्य भएको उनको भनाइ थियो । देशमा गणतन्त्र आए पनि दलित समुदायलाई गणतन्त्रले नछोएको नेपालीको टिप्पणी छ ।
उनले भने, ‘दलितले छोएको भन्दै भतेर घोप्ट्याइएको भन्ने शीर्षकमा समाचार आएको छ कास्कीमा । कास्कीजस्तो शिक्षित जिल्लामा गत फागुन २५ गतेको घटना, दलितले छोएको भन्दै भतेर घोप्ट्याउने घटना भएको स्थान हो । जुन अति निन्दनीय काम भएको छ । फरार वडा सदस्य रामजी लामिछाने र स्थानीय सरिता लामिछानेलाई म कडाभन्दा कडा सजाय दिनहुन यो सम्मानित सदनबाट सरकारको ध्यानाकर्षण गराउँछु, यो २१ औ शताब्दिमा जुन निन्दनीय कार्य भइरहेको छ । यो एकदमै खेदपूर्ण छ ।’
गणतन्त्र आयो, लोकतन्त्र आयो भनेर भाषणमा मात्रै भनेका छौ । सम्बन्धित यो समुदाय ९दलित०लाई कहिले पनि यो गणतन्त्र र लोकतन्त्रले छोएको छ जस्तो लाग्दैन । त्यसै कारणले गर्दा फरार रहेका व्यक्ति वडा अध्यक्ष रामजी लामिछाने र स्थानीय सरिता लामिछाने कडा भन्दा कडा कारवाही गरियोस ।’
Related News
सम्बन्धित समाचार
अर्जुन र सुस्मिता बने वर्ष खेलाडी
दीर्घकालीन असर गर्ने निर्णय नगर्न अधिकारी सरकारका नाममा अन्तरिम आदेश- हेर्नुहोस् आदेश
साना योजना सिधै प्रदेश र स्थानीय सरकारलाई हस्तान्तरणः प्रधानमन्त्री
मुस्ताङको लोमान्थाङमा वैकल्पिक सडक निर्माण
सूर्यदर्शन सहकारीको अनुसन्धान प्रतिवेदन बुझाइयो
hero news full width
मुख्य समाचार
पूर्वन्यायाधीशको निधनपछि गण्डकी सरकार विरुद्धको रिटसहित सर्वोच्चका सबै सुनुवाइ स्थगित
आगलागीले सुन्तलाको बगैंचा सखाप
वैशाख २७, २०८१पोखराका घरको नक्सापास अब अनलाइनबाटै, युएनडिपीको सहयोग
वैशाख २६, २०८१कसको हातमा पर्ला वर्ष खेलाडीको उपाधि ?
वैशाख २६, २०८१गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१