पोखरा । दीपशिखा पुस्तकालय र ट्याग परियोजनाबीच सम्झौतापत्रमा हस्ताक्षर भएको छ । रिड नेपालअन्तर्गत टेक एज गल्र्स (ट्याग) ट्याग नेपाल परियोजना र पोखरा २९ स्थित दीपशिखा सामुदायिक पुस्तकालयबीच परियोजना सञ्चालन गर्ने सम्बन्धमा सम्झौतापत्रमा हस्ताक्षर भएको हो ।

पुस्तकालयतर्फबाट अध्यक्ष कृष्णहरि भण्डारी र परियोजनातर्फबाट रिड नेपालका उपनिर्देशक चिनकाजी श्रेष्ठको उपस्थितिमा हस्ताक्षर गरिएको हो ।

सम्झौताअनुसार परियोजनाबाट लक्षित समुदायका विद्यालयबाट पिछडिएका, प्रविधिको पहँुच नपुगेका कक्षा ९ देखि १२ सम्मका अध्ययन गर्दै वा अध्ययन गर्न छोडेका प्रयक्ष रुपमा ५५ जना किशोरीहरु लाभान्वित हुने बताएको छ ।

पोखरा २९ का वडाध्यक्ष श्रीप्रसाद गुरुङ, वडा ३२ का वडाध्यक्ष अक्कलबहादुर कार्की, पोखरा महानगरपालिका शिक्षा महाशाखाका शाखा अधिकृत बद्रीनाथ सुवेदी, कार्यपालिका सदस्य निर्मला पौडेल विभिन्न विद्यालयका प्रअ, आदर्श युवा क्लब अध्यक्ष पदम गुरुङ लगायत पुस्तकालय व्यवस्थापन समितिका पदाधिकारी र कर्मचारीको उपस्थिति थियो । कार्यक्रम सञ्चालन पुस्तकालयका सचिव पदमप्रसाद अधिकारीले गरेका थिए ।