पोखरा । गण्डकी प्रदेश सभा सदस्य सरस्वती गुरुङले पोखरामा भएको जहाज दुर्घटना पछिका प्रक्रियागत विषय ढिला भएको बताएकी छिन् । गण्डकी प्रदेश सभाको पहिलो अधिवेशन, छैटौ बैठकको विशेष समयमा गुरुङले माघ १ गते सेती खोंचमा भएको जहाज दुर्घटनामा ज्यान गुमाएकाहरुको शव पहिचानमा ढिलाई भएको बताएकी हुन् ।
‘दुखद दुर्घटनाबाट ज्यान गुमाउनुभएका अधिकांशको शव आफन्तले बुझिसक्नुभएको छ । अझै केही शवको निक्र्यौल हुन सकेको छैन,’ उनले भनीन्, ‘आज म सभामुख ज्यू मार्फत सरकारको ध्यानाकर्षण गराउन चाहान्छु कि सबैको शव तत्कालै पहिचान गरी आफन्तलाई बुझाइयोस् । अन्यथा आफन्त गुमाउनुको पीडा सँगै शव प्राप्त गर्न नसकेको पीडा थपिएको छ ।’ मृतकका परिवारलाई उचित राहात र क्षतिपुर्तिको व्यवस्था गर्न संघ सरकार, एयरलाइन्स कम्पनी र सरोकारवाला सम्पूर्णसँग उनले आग्रह गरेकी छिन् । राज्यले उचित क्षतिपुर्ति, परिवारका सदस्यहरुलाई शिक्षा, स्वास्थ्य र रोजगारीको ज्ञारेण्टी गरिदिनुपर्ने उनको भनाई थियो ।
साथै दुर्घटना पछिका प्रक्रिया ढिलो र झण्झटीला भएको बताएकी छिन् । ‘हाम्रो प्रक्रिया र प्रणाली निकै झण्झटीला र लामा भए । दुर्घटनाको एक महिना पुग्न लागिसक्यो । अझै आफन्तले शव पाएका छैनन्,’ उनले भनीन्, ‘एक त शवको पहिचानमा समस्या, अर्को पहिचान भएका शवको पनि पोष्टमार्टमको लम्बेतान प्रक्रियाले पीडामाथी झनै पीडा थपेको छ ।’
आगामी दिनमा यस्ता दुर्घटना भैहाले झण्झटीला प्रक्रियालाई चुस्त बनाउन उनको आग्रह थियो । नेपाली हवाई क्षेत्रलाई सुरक्षित, भरपर्दो र विश्वसनीय बनाउन हर तरहले मेहनत गर्न सरकारसँग उनको आग्रह थियो । दुर्घटनाले नेपालको हवाई क्षेत्रमात्रै नभएर समग्र अर्थतन्त्रमा असर पारेको उनको भनाई थियो । ‘यहाँका पर्यटन क्षेत्र सुनसान छन् । पर्यटकीय सिजनका होटल बुकिङहरु धमाधम रद्द गरिएका गुनासा व्यवसायीहरुले गर्नुभएको छ । यसबारे सरकारको विशेष चासो पुगोस्,’ उनले भनीन् ।
Related News
सम्बन्धित समाचार
कांग्रेस गण्डकीको भवन असोज अगावै सम्पन्न गरिने
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१