पोखरा । अलि मियाँ लोकवाङ्मय प्रतिष्ठान पोखराको वार्षिक साधारण सभाले हनिफा मियाँको अध्यक्षतामा नयाँ कार्य समिति चयन गरेको छ ।

समितिको उपाध्यक्ष हरिदेवी कोइराला, सचिव पदमराज ढकाल, कोषाध्यक्ष फडिन्द्र अकिञ्चन र सहसचिव धर्मराज अल्पायु चयन भए ।
सदस्यहरु लोकचन्द्र खनाल, पदमराज उदासी, सरिता गायक, कृष्णप्रसाद गौतम, समिउन निशा, किरण ओझा, रामबाबु गुरुङ र अम्बिका भण्डारी छन् ।
साधारण सभा पृथ्वीनारायण क्याम्पस नेपाली विभाग प्रमुख डा. कुसुमकार न्यौपानेले उद्घाटन गरेका थिए ।

प्रमुख न्यौपानेले कवि अलि मियाँले ठेट नेपाली भाषामा जनताका समस्यालाई लोकगीतमार्फत् उजागर गरेको उल्लेख गर्दै आज भाषामाथि आक्रमण बढ्न थालेको उल्लेख गरे ।

कार्यक्रममा स्वतन्त्र पत्रकार संघ नेपालका अध्यक्ष कृष्णप्रसाद बास्तोला, हेमजा साहित्य प्रतिष्ठानका अध्यक्ष कृष्णप्रसाद पौडेल, धर्मराज सावित्री थापा प्रतिष्ठानका अध्यक्ष मदन थापा, साहित्यकार ऋषिकेश बराल, भीम रानाभाट र लक्ष्मण वियोगीले मन्तव्य राखेका थिए ।

प्रतिष्ठानका अध्यक्ष हनिफ मियाँको अध्यक्षतामा भएको उक्त कार्यक्रममा सह–सचिव धर्मराज अल्पायुले स्वागत तथा कोषाध्यक्ष फडिन्द्र अकिञ्चनले सञ्चालन गरेका थिए ।