पोखरा, ८ पुस । पोखरा इञ्जिनियरिङ कलेजको आयोजनामा आठौं पेक एक्स्पो २०७९ शुक्रबारबाट सुरु भएको छ । गण्डकी विश्वविद्यालयका कुलपति प्राडा गणेशमान गुरुङले एक्स्पोको उद्घाटन गरेका थिए ।
इञ्जिनियरिङ विषयका विद्यार्थीलाई उनीहरुको प्रतिभा देखाउने प्लेटफर्म उपलब्ध गराउने उद्धेश्यले यो एक्स्पो आयोजना गरिएको कलेजका प्रिन्सिपल रोजना जोशीले जानकारी दिइन् । दुई दिन सम्म चल्ने एक्स्पोमा विभिन्न ३८ स्टल रहेका छन् ।
कार्यक्रमको उद्घाटन गर्दै कुलपति गुरुङले देश र समाजको विकासमा विज्ञान र प्रविधिको ठूलो भूमिका हुने भनाई राखे । विद्यार्थीहरुबाट समेत धेरै विचार र प्रविधिहरु सिक्न सकिने अवसर यस्ता प्रदर्शनीले प्रदान गर्ने उनले बताए । कलेजका संस्थापक स्व इञ्जिनियर.लेखबहादुर गुरुङले कलेज स्थापना गरेर उदाहरणीय काम गरेको स्मरण पनि कुलपति गुरुङले गराए ।
एक्स्पो अन्तर्गत टेक्निकल एक्जिविसन, इन्टर कलेज सफ्टवेयर प्रतिस्पर्धा, भूकम्प प्रतिरोधि डिजाइनहरु, आर्किटेक्चरल डिजाइन र मोडल समावेश छन् । यसैगरी कम्प्युटर गेम सम्बन्धी प्रतिस्पर्धा, इन्टर कलेज स्टल डिजाइन, प्रोजेक्ट प्रदर्शनी र सूचना प्रविधि सम्बन्धी सचेतना पनि एक्स्पोमा रहेका छन् ।
प्रोजेक्ट प्रदर्शनी अन्तर्गत एन्टि थेफ्ट प्रणाली, सडक सुरक्षा प्रणाली, मेरो भोट प्रविधि, होम अटोमेसन प्रणाली, रोबटिक आर्म र फिंगर लक सिस्टम रहेका छन् । एग्रोमार्ट वेबसाइट, सांस्कृतिक घर, स्तुपा, अन्तर्राष्ट्रिय भवन, ल्याण्डस्केप डिजाइन मोडल, प्राचिन डिजाइन सम्बन्धी मोडलहरु, मेजर आर्किटेक्चरल भवन, पानी वितरण प्रणाली, इ–रोड, मिनी हाइड्रोपावर र सिवेज ट्रिटमेन्टलाई पनि प्रोजेक्ट अन्तर्गत समेटिएको छ । निशुल्क प्रवेशको व्यवस्था गरिएको एक्स्पोमा कूल ८० यस्ता प्रोजेक्ट समावेश रहेको कलेजका प्रशाशक हिमलाल भुसालले जानकारी दिए ।
एक्स्पो उद्घाटनका अवसरमा विभिन्न नाचहरु पनि प्रस्तुत गरिएको थियो । सो कलेज संचालक समितिका अध्यक्ष हिरा गुरुङको अध्यक्षतामा भएको कार्यक्रममा गण्डकी विश्वविद्यालयका रजिस्टार डा कैलाश तिमिल्सिना, सीटीईभीटी गण्डकीका निर्देशक प्रमोद आचार्य र आयोजक कलेजका निर्देशक डा.शैलेश गुरुङले भनाई राखेका थिए । कलेजकी विद्यार्थी नम्रता लम्सालले स्वागत मन्तव्य व्यक्त गरेको कार्यक्रम विद्यार्थीहरु विरेन्द्र जिसी र अग्रता शर्माले संचालन गरेका थिए ।
Related News
सम्बन्धित समाचार
आयआर्जन र पर्यटन प्रवर्द्धनको माध्यम बन्दै महसिकार
सर्प संरक्षण सम्बन्धी सचेतनामूलक कार्यक्रम
अपांगता भएकालाई व्यावसायिक तालिम
बनेका धारा भत्किन थाले तर पानी आएन
फेवाबाट जलकुम्भी हटाउन अभियान सुरु
hero news full width
मुख्य समाचार
सराङकोटमा सहिद स्मृति भवन निर्माण
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१बलात्कार मुद्दामा सन्दीप लामिछानेले पाए सफाइ
जेठ २, २०८१पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जेठ २, २०८१व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१