जिफान साँझ तयारी

आदर्श समाज सम्वाददाता
मंसिर २, २०७९
gfan

पोखरा । गुरुङ फिल्म एसोसियसन नेपाल (जिफान) द्वारा आगामी मंसिर २४ मा ‘जिफान साँझ’ आयोजना गर्ने भएको छ ।

बिहीबार पत्रकार सम्मेलनमा जिफान अध्यक्ष गुन्जबहादुर गुरुङले संस्थाको जग्गा खरिद तथा भवन निर्माणको लागि आर्थिक संकलनार्थ सो साँझ आयोजना गर्न लागिएको बताए ।

पोखरा सभागृहमा हुन लागेको उक्त कार्यक्रममा गुरुङहरुको सभ्यता र विकासक्रमसँग सम्बन्धित नाटक, लोक तथा पौराणिक नृत्य, गुरुङ चलचित्रका कलाकारको आकर्षक नृत्य प्रस्तुत गरिने उनले बताए । झण्डै ५ करोड संकलन गर्ने योजनासहित कार्यक्रम आयोजना गरिएको र यसमा गुरुङ चलचित्रलाई माया गर्ने सम्पूर्णको साथ दिने उनले बताए ।

संस्थाका महासचिव लब्सन गुरुङले जिफानले विभिन्न चलचित्र तथा गीतसंगीत मार्फत गुरुङ समुदायको भाषा, कला र सस्कृतिलाई जोगाउन उलेखनीय भूमिका खेलेको बताए ।

संस्थाका उपाध्यक्ष सन्तोेष कोन्मेले कार्यक्रममा २०५२ सालदेखि हालसम्म निर्माण भएर जिफानमा दर्ता भई प्रदर्शन भएका चलचित्रको पोष्टर प्रोजेक्टर तथा बोर्ड मार्फत प्रदर्शन एवं गायकगायिकाद्वारा गीत प्रस्तुत गर्ने कुरा जनाए । यस्ता कार्यक्रम आयोजना हुँदा कोभिडपछि सुस्त भएको गुरुङ चलचित्र तथा गीतसंगीतको गतिविधि पनि बढ्ने कोन्मेको भनाइ छ ।

२०६५ सालमा स्थापना भएको जिफानमा हालसम्म १ सय ६० वटा चलचित्र दर्ता भएका छन् । २०५२ सालमा पाते निर्माण गरेपछि सुरु भएको गुरुङ चलचित्र देशको दोस्रो ठूलो बजारको रुपमा हेरिन्छ ।

Related News

सम्बन्धित समाचार

  • नारायणगोपाल स्मृति साँझ हुने

    आदर्श समाज सम्वाददाता मंसिर १६, २०७९
    पोखरा । पोखरामा ‘नारायणगोपाल स्मृति साँझ–२०७९’ आयोजना हुने भएको छ । उनको पुण्यतिथि पोखरा रेडियो अन्नपूर्ण, पोखरेली युवा सांस्कृतिक परिवार…
  • पोखरामा ‘सुनकेशरी’ को मञ्चन सुरु

    आदर्श समाज सम्वाददाता भाद्र २५, २०७९
    पोखरा । पोखराको गैह्रापाटनस्थित पोखरा थिएटरको गन्धर्व नाटकघरमा नाटक ‘सुनकेशरी’ को मञ्चन सुरु भएको छ । शुक्रबारदेखि सुरु भएको संस्कृतिविद्…
  • भूर्तेललाई अवार्ड

    आदर्श समाज सम्वाददाता भाद्र १०, २०७९
    पोखरा । पोखरेली निर्देशक शिवराजा भूर्तेलले उत्कृष्ट म्युजिक भिडियो निर्देशकको अवार्ड हात पारेका छन् । काठमाडौंमा हालै आयोजित एनइए अवार्ड…
  • हिमाली सांस्कृतिक परिवारमा ज्ञान

    आदर्श समाज सम्वाददाता भाद्र ५, २०७९
    पोखरा । हिमाली सांस्कृतिक परिवारको ११ औं अधिवेशनले ज्ञानबहादुर थापाको अध्यक्षतामा १९ सदस्यीय नयाँ कार्यसमिति सर्वसम्मत चयन गरेको छ ।…
  • ‘झरी’ गीतका प्रिय रचनाकार डब्बु क्षत्री

    विजय नेपाल भाद्र २, २०७९
    पोखरा । सधैं मुस्काइरहने अग्ला कदका डब्बु क्षत्रीको गीतसंगीतमा उचाइ पनि चुलिंदो छ । आफ्नो थुप्रै विधागत परिचय भए पनि…

hero news full width