पोखरा । नवौं राष्ट्रिय खेलकुदअन्तर्गत पुरुष भलिबलमा एपिएफले स्वर्ण जितेको छ । पोखरा रंगशाला भलिबल कोर्टमा बिहीबार फाइनलमा त्रिभुवन आर्मीलाई सोझो सेटमा पराजित गर्दै एपिएफले उपाधि जितेको हो ।

एपिएफले २५–२१, २७–२५ र २६–२४ मा आर्मीलाई हराउँदै स्वर्ण जितेको हो ।

एपीएफका प्रशिक्षक पुष्प मल्लले आर्मीको रिसिभ समेत कमजोर हुँदा अंक बटुल्न सफल भएको बताए ।

आर्मीले सेमिफाइनलमा अर्को विभागीय टिम पुलिसलाई पराजित गर्दै फाइनल प्रवेश गरेको थियो । एपीएफले घरेलु टिम गण्डकी प्रदेशलाई सेमिफाइनलमा हराएको थियो । एपीएफले दोस्रोपल्ट पुरुष भलिबलमा स्वर्ण जितेको हो ।

यसअघि छैटौं राष्ट्रिय खेलकुदमा एपीएफले स्वर्ण जितेको थियो । नवौंमा महिला भलिबलतर्फ पनि बुधबार म्याग्दीको बेनीमा एपीएफले पुलिसलाई हराएर स्वर्ण जितेको थियो ।

कास्य पदक भने गण्डकीले प्राप्त गर्यो । नेपाल पुलिसले गण्डकी प्रदेशलाई ३–० मै समेटेको हो ।

प्रतियोगिताका अधिकांश खेल ३–० मै टुंगिएका थिए । खेलमा तीन विभागीय, सात प्रदेश र गैरआवासीय नेपाली संघ (एनआरएनए) गरी ११ टिम सहभागी थिए ।