पोखरा । मिस सुनार २०२२ को अडिसन साउन २१ गते हुने भएको छ । प्रतीक इभेन्टले आयोजना गर्ने उक्त प्रतियोगितामा नेपालभरका विश्वकर्मा समुदायका १६ देखि २५ वर्षका युवती अडिसनमा सहभागी हुन पाउने कार्यक्रम संयोजक प्रतीक सुनारले जानकारी दिए ।

प्रतियोगितामा अडिसनबाट छानिएका प्रतियोगीलाई विभिन्न चरणका कार्यक्रम गरी असोजमा फाइनल गरिनेछ । प्रतियोगीमध्ये टाइटल विजेताले १ थान स्कुटर, फ्रस्ट रनरअपले नगद ५० हजार र सेकेन्ड रनरअपले नगद २५ हजारसँगै म्युजिक भिडियोसँगै विदेश भ्रमणको अवसर प्राप्त गर्नेछन् ।

कार्यक्रमअन्तर्गत १ महिने प्रशिक्षण हुनेछ । जसमा प्रतियोगीले आत्मरक्षासम्बन्धी प्रशिक्षण, फेसन, व्यावसायिक शिक्षा, व्यक्तित्व विकास कला लगायत प्रशिक्षण दिइनेछ ।