म्याग्दी । म्याग्दीको बेनी नगरपालिका ९ गलेश्वरमा अवस्थित प्रसिद्ध गलेश्वर शिवालय मन्दिरमा साउनको पहिलो सोमबार पूजाआजा र दर्शन गर्ने भक्तजनको भीड लागेको छ । गलेश्वर शिवालयमा यस वर्ष साउन महिनाको पहिलो सोमबार म्याग्दीसहित देशका विभिन्न जिल्लाबाट भक्तजनहरुले पूजा गरेका हुन् । सोमबार म्याग्दी, पर्वत, बागलुङ, कास्की, चितवनलगायत जिल्लाबाट गलेश्वर शिवालयको दर्शन तथा पूजाआजा गर्न भक्तजनहरु आएको गलेश्वर शिवालय क्षेत्र विकास कोषले जनाएको छ । साउने सोमबारमा गलेश्वर शिवालयमा भक्तजनहरुलाई लक्षित गरी विभिन्न १९ वटा समितिहरु गठन गरी उनीहरुलाई सहज रुपमा पूजाअर्चना गर्ने व्यवस्था मिलाइएको गलेश्वर शिवालय क्षेत्र विकास कोषका उपाध्यक्ष बमबहादुर पुनले बताए ।
अघिल्ला दुई वर्ष कोरोनाको कारणले गर्दा पूजाअर्चना गर्न नपाएका भक्तजनहरु यस वर्षको साउन महिनाको पहिलो सोमबार पूजा गरेका छन् । यसवर्ष पहिलो सोमबार २० हजार हाराहारीमा भक्तजनले गलेश्वर दर्शन गरेको क्षेत्र विकास कोषका अध्यक्ष माधवप्रसाद रेग्मीले बताए ।
साउने सोमबार हिन्दु महिलाको लागि विशेष दिन मानिन्छ । साउन महिनामा शिवलाई शुद्ध जल चढाएमा मनोकांक्षा पूरा हुने धार्मिक विश्वास रहेको छ । बेनीका महिला उद्यमी सिर्जना भट्टचनले मनोकामनासहित परिवारमा सुख, शान्तिका लागि शिवालयको दर्शन गरेको अनुभव सुनाइन् ।
हिमालपारिको जिल्ला मुस्ताङमा अवस्थित प्रसिद्ध मुक्तिनाथ मन्दिरको प्रवेशद्वारको रूपमा रहेको म्याग्दीको गलेश्वर शिवालयमा पछिल्लो पटक ११ वटा गौमुखी धारा जडान गरिएको छ । गलेश्वरको दर्शन गर्न आउने भक्तजनलाई लक्ष्य गरी पवित्र कालीगण्डकी नदीको गंगा जलले स्नान गर्ने व्यवस्था मिलाइएको हुँदा भक्तजनको संख्यामा वृद्धि हुँदै गएको छ ।
साउनको पहिलो सोमबार सर्वोच्च अदालतका पूर्व प्रधानन्यायाधीश गोपाल पराजुलीले पनि गलेश्वर शिवालयको दर्शन तथा पूजाअर्चना गरेका छन् । केही दिन पहिला पोखरा आएका पराजुली साउनको पहिलो सोमबार म्याग्दीको गलेश्वरमा परिवारसहित दर्शन गर्न आएको बताए । गलेश्वर क्षेत्र पछिल्लो समय उच्च सरकारी अधिकारीसहित स्वदेशी तथा विदेशीको रोजाइमा पर्दै जान थालेको छ ।
Related News
सम्बन्धित समाचार
पोखरामा श्रीमद्भागवत् महायज्ञ सुरु
नयाँबजारमा भोलिदेखि श्रीमद्भागवत् ज्ञान महायज्ञ
तोरन्लमा रमाउँदै थकाली समुदाय
पोखरामा श्रीमद्भागवत् ज्ञान महायज्ञ तयारी
वाल्मीकि आश्रम पुग्न भारतीय भूमि प्रयोग गर्नुपर्ने बाध्यता
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१