पोखरा । पोखरा २२, पुुम्दीकोटमा जारी शिव महापुराण एवं धार्मिक पर्यटन महोत्सवमा आइतबारसम्म कुल २ करोड १४ लाख रुपैयाँ संकलन भएको छ ।

पुम्दीकोट कोट विकास समिति आयोजनामा जारी महायज्ञको आठौं दिनमात्र करिब ५२ लाख ६२ हजार संकलन भएकोे महायज्ञका आर्थिक उपसमिति सहसंयोजक निर्मल बरालले बताए ।

मुक्तिनाथ विकास बैंकले महायज्ञमा १० लाख १ हजार १ सय ११ रुपैया आर्थिक सहयोग गरेको बरालले बताए । पोखरा २२, ठूलीबिडी निवासी भोलानाथ बरालबाट २ लाख २५ हजार, हाल अमेरिका बस्दै आएका अरुण धिताल र प्रतिमा धितालबाट २ लाख २५ हजार, पोखरा ६ बैदाम निवासी लक्ष्मीदेवी आचार्यबाट २ लाख २५ हजार रुपैया संकलन भएको समितिले जनाएको छ ।

यस्तै, होटल पुम्दीकोट भ्यु २ लाख, स्थानीय श्रीकृष्ण भजनमण्डली ढलेपीपल लप्सिबोट आमा समूह १ लाख ३२ हजार ५ सय, हाल अमेरिका निवासी कमल बराल, सुस्मिता सापकोटाट १ लाख १ हजार १ सय, पोखरा ५ पस्र्याङका डा. झलक कार्की र लक्ष्मीदेवी कार्की १ लाख ५ हजार ५ सय, पोखरा २१ दोेपरेका सावित्री सुवेदीबाट १ लाख १ हजार १ सय रुपैयाँ महायज्ञमा दान भएको छ ।

त्यस्तै, पोखरा २२ डाँडाथोकका राजेन्द्रप्रसाद क्षत्रीबाट १ लाख १ सय, बालोदयमार्ग टोल विकास संस्था, बिरौटाबाट ५९ हजार ४ सय, बैदामका नन्दकिशोर पहारीबाट ५५ हजार ५ सय ५५, पोखरा २२ अर्चलबोटका पोस्टराज बास्तोला ५५ हजार ५ सय ५५, बालोदयमार्ग पोखरा १७ का रुद्रबहादुर थापा ५१ हजार १ सय, पोखरा २२ का वडाध्यक्ष मित्रलाल बराल र लीलादेवी बरालबाट ३० हजार रुपैयाँ संकलन भयो ।

महायज्ञको मुख्यवाचक भागवतभाष्कर युवापण्डित कमलनयन गौतम हुन् । महायज्ञको मंगलबार समापन गरिने मूल आयोजक समिति अध्यक्ष चन्द्रकान्त बरालले बताए ।