पोखरा, १४ मंसिर । भूपि शेरचन राजमार्गअन्तर्गत कास्कीको अन्नपूर्ण गाउँपालिकामा रात्रि बस दुर्घटना भएको छ । दुर्घटनामा बस चालकको मृत्यु भएको छ भने ९ घाइते छन् ।
भैरहवाबाट बागलुङतर्फ जाँदै गरेको लु १ ख ७७६६ नंं को रात्रि बस मंगलबार बिहान पौने ७ बजे कास्कीको अन्नपूर्ण गाउँपालिका वडा ३, पाउँदुर घुम्तीमा दुर्घटना भएको हो । बस सडकबाट अन्दाजी ३० मिटर तल स्थानीय जुमकाजी बिकको गोठ, भान्सा र घरमाथि खस्न पुगेको कास्की प्रहरी प्रवक्ता प्रहरी नायव उपरीक्षक सुन्दर तिवारीले जानकारी दिए।
दुर्घटनामा ज्यान गुमाउनेमा बस चालक पाल्पाका ४५ वर्षीय भूपेन्द्र भन्ने भूपनाथ खनाल छन् । उनलाई बसले च्यापेको अवस्थामा उद्धार गरी पश्चिमाञ्चल क्षेत्रीय अस्पताल लगिएकोमा उनको बिहान ९ बजे मृत्यु भएको हो । दुर्घटनामा परी घाइते हुनेहरुमा घरधनी अन्नपूर्ण ३, पाउँदुरकी माया बिक समेत छिन् ।
यस्तै, बागलुङको बागलुङ नगरपालिका वडा ६, लहरेपीपलका २९ वर्षीय शिवराज शर्मा, बागलुङ ठूलढुंगाका ४८ वर्षीय कृष्ण खड्का, बागलुङ नगरपालिका वडा १४ बलेवाका २५ वर्षीय राजु श्रेष्ठ, उनको ८५ वर्षीय बाबु उमलाल श्रेष्ठ, बागलुङ नगरपालिका वडा २, आवारोडका ४२ वर्षीया सुवर्ण सापकोटा, पर्वतको फलेबास नगरपालिका वडा ४ का ३५ वर्षीय सूर्य तिवारी, चितवनको भरतपुर महानगरपालिका वडा ३ राम्जालीमार्ग बस्ने २३ वर्षीया साधना उपाध्याय छन् । उनीहरुमध्ये सूर्य तिवारी र साधना उपाध्यायको गण्डकी मेडिकल कलेज, नयाँबजार र बाँकी सबै घाइतेको गैह्रापाटनस्थित फिस्टेल अस्पतालमा उपचार भइरहेको छ।
दुर्घटनापछि जिल्ला प्रहरी कार्यालय कास्कीबाट खटिएको प्रहरी टोली र स्थानीयले उद्धारमा सहयोग गरेका थिए । दुर्घटनाबारे अनुसन्धान भइरहेको प्रहरीले जनाएको छ।
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१