लमजुङ । गाडीको आवाजले तर्सेर मस्र्याङ्दी नदीमा खस्दा ११ वटा भेडा मरेका छन् । त्यसबाट करिब ३ लाख रुपैयाँ बराबरको नोक्सान भएको जनाइएको छ । मनाङको चामे–१, तिमाङ निवासी नरेन्द्र घलेसहितका ३ जनाले पाल्दै आएको भेडी गोठका भेडा र बाख्रा उद्यौली मनाउन मनाङबाट लमजुङ झार्न लागिएको थियो ।
ती भेडा गाडी र मोटरसाइकलको चर्को आवाजले तर्सेर भाग्ने क्रममा नासों गाउँपालिका–३, खोत्रो गाउँ नजिकको सडकबाट नदीमा खसेका भेडीगोठमा बस्ने गोठाला नलबहादुर गुरुङले बताए । उनले भने, ‘२५ वटा जति खसेकोमा ११ वटा घटनास्थलमै मरेको फेला प¥यो, बाँकी घाइते छन् ।’ सो गोठमा भेडा, भेडी, थुमा, पाठापाठी गरी ४ सय ५० रहेको गुरुङले बताए ।
भेटेरिनरी अस्पताल तथा पशु विज्ञ केन्द्र मनाङका प्रमुख पशु चिकित्सक नारायण कुसुमले कृषकको भनाइ उदृघृत गर्दै भने, ‘२२/२५ वटा भेडाहरू सडकबाट हाम फालेका रहेछन् । तीमध्ये ११ वटा उतिखेरै मरेका र अन्य घाइते छन् । मरेका मध्ये २ बाख्रा र अरु वयस्क भेडाहरू हुन् ।’ पीडित किसानलाई व्यवसाय पुनस्र्थापना कार्यक्रमबाट राहत उपलब्ध गराउने प्रतिबद्धता भेटेरिनरीका प्रमुख कुसुमले व्यक्त गरेका छन् ।
‘ती भेडा खस्दै गर्दा बचाउन गएका गोठाला २ जनाको समेत झन्डै ज्यानै गएन । बल्लबल्ल बाँचे,’ नलबहादुरले भने । तलबाट ३ वटा मोटरसाइकल र माथिबाट ३/४ वटा गाडी एकै पटक आएको र सडक साँघुरो भएकोले बीचमा भेडा परेर तर्सेका भेडा भाग्नेक्रममा नदीमा खसेका हुन् ।
ती भेडामध्ये एउटाको सरदर २० देखि ३५ हजार रुपैयाँसम्म मूल्य पर्ने भेडा मालिक नरेन्द्र घलेले बताए । पशु चिकित्सक नारायण कुसुमले व्यवसाय पुनस्र्थापना कार्यक्रममार्फत प्रतिभेडा ४ हजारका दरले राहत दिन सकिने बताए ।
Related News
सम्बन्धित समाचार
कांग्रेस गण्डकीको भवन असोज अगावै सम्पन्न गरिने
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
गण्डकीका सभामुखको कदमबारे मिश्रित प्रतिक्रिया
ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१