पोखरा । पोखरा विश्वविद्यायले शिक्षण अस्पताल सञ्चालन गर्ने तयारी गरेको छ । २१ औं साधारण सभाले शिक्षण अस्पताल सञ्चालन गर्ने नीतिगत निर्णय गरेसँगै अस्पतालको काम अगाडि बढ्ने भएको हो ।
सभाले पारित गरेको आर्थिक वर्ष २०७८/७९ को नीति तथा कार्यक्रममा शिक्षण अस्पताल र निर्माणका कामलाई प्राथमिकतामा राखिएको रजिस्टार डा. दीपकबहादुर भण्डारीले जानकारी दिए । जसमा शिक्षण अस्पतालका लागि २१ करोड बजेट छुट्याएको छ । विश्वविद्यालयमा अहिले पनि ब्याचलरमा ५ र मास्टरमा २ वटा कार्यक्रम रहेको उनले जानकारी दिए । जसका लागि पोखरा स्वास्थ्य विज्ञान प्रतिष्ठानसँग सहकार्य गर्दै आएको थियो । अबको ६ महिनामै शिक्षण अस्पताल सुरु गर्ने लक्ष्य लिएको उपकुलपति प्राडा प्रेमनारायण अर्यालले बताए । ‘केही महिनामा टहराबाट भए पनि सुरु गर्छौ,’ उनले भने, ‘यो बीचमा कुनै भवन खाली बनाउने योजना पनि बनाएका छौं ।’ अस्पताल सञ्चालन भएपछि नर्सिङ, चिकित्सा र विज्ञानसँग सम्बन्धित प्यारामेडिकल कोर्षहरु चलाउन सहज हुने अर्यालको भनाइ थियो ।
विश्वविद्यालयले विज्ञान तथा प्रविधि, व्यवस्थापन, मानविकी तथा सामाजिक शास्त्र कार्यक्रमलाई पोखरा ३० मुँसेटुँडामा रहेको २ सय ४१ रोपनी जग्गामा स्थानान्तरण गर्ने योजना बनाएको छ । सभाले विश्वविद्यालयमा पार्किङ, चमेना गृह र महिला छात्राबास माथि १ तला थप्ने निर्णय पनि गरेको छ । उद्यमशीलता विकासका कार्यक्रममा जोड दिने गरी अगाडि बढ्ने रजिस्टार भण्डारीले जानकारी दिए । एमफिल र पिएचडीका कार्यक्रम अनुसन्धानका लागि बजेट पनि छुट्याएको छ । स्थानीय सरकारसँग आंगिक क्याम्पसका लागि सहकार्य गर्दै अगाडि बढ्ने निर्णय पनि सभाले गरेको छ । विश्वविद्यालयले पाठ्यक्रम परिमार्जन गर्दै मागमा आधारित कार्यक्रमलाई जोड दिने भएको छ । शिक्षक, प्राध्यापक र विद्यार्थीका हितका लागि कार्यक्रम गर्दै जाने भण्डारीको भनाइ छ ।
सभाले २ वर्षका बजेट एकैपटक पारित गरेको भण्डारीले जानकारी दिए । अघिल्लो वर्ष विविध कारणले बजेट पास गर्न नसकिएको कारण यो वर्ष बजेट ल्याएको उनले बताए । आर्थिक वर्ष २०७७/७८ को बजेटमा पुँजीगत बजेटतर्फ ४ करोड ८२ लाख ६२ हजार र साधारण खर्चतर्फ ५३ करोड ४५ हजार गरी कूल ५७ करोड ८३ लाख ७ हजार बजेट छुट्याएको छ । त्यसैगरी यो वर्षका लागि १ अर्ब १९ करोड १० लाख बजेट पारित गरेको छ । जसमा पुँजीगततर्फ ४० करोड २१ लाख २५ हजार र साधारणतर्फ ७८ करोड ८८ लाख ७५ हजार रुपैयाँ रहेको छ ।
Related News
सम्बन्धित समाचार
सहारा क्लब पोखरालाई वर्ष उत्कृष्ट क्लबको अवार्ड
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१