बेनी । धवलागिरी गाउँपालिका वडा ४, मुदीमा केन्द्रीय प्रसारण लाइनको बिजुली बलेको छ । नेपाल विद्युत् प्राधिकरण म्याग्दी वितरण केन्द्रले विद्युत् विस्तार सकेसँगै शनिबारदेखि मुदीमा बिजुली बल्न थालेको हो ।
प्राधिकरण म्याग्दी विद्युत वितरण केन्द्रका सूचना अधिकारी रवीन्द्र भण्डारीका अनुसार संघ र प्रदेश सरकारको संयुक्त बजेट र स्थानीयवासीको श्रमदानमा मुदीका २ सय घरमा विद्युतीकरण भएको छ । यसअघि सोही वडाको खाम्ला, खारा र बाँसबोट लगायत गाउँका ६५ घरमा विद्युतीकरण भइसकेको थियो । गाउँपालिकाले पोल खरिद लगायत ट्रान्सफर्मर ढुवानीमा बजेट विनियोजन गरेको थियो । केन्द्रीय विद्युत लाइन वितरणका लागि मुदी र खाम्लामा १÷१ सय केभिए क्षमताका २ ट्रान्सफर्मर राखिएको छ ।
धवलागिरीको ताकम, मच्छिम, फलियागाउँ, मुना र दर हुँदै केन्द्रीय प्रसारण लाइनको विद्युत बिस्तार गरिएको छ । मुनाहुँदै मुदी र खाम्लासम्म बिजुली पु¥याउन मेन लाइनमा १ सय पोल प्रयोग भएको छ । मुदीमा वितरण लाइनमा ८२ वटा पोल प्रयोग भएको छ ।
त्यस्तै, मुदीको घना बस्तीमा १४ वटा पोलमा एबीसी केबलमार्फत् विद्युत प्रवाह गरिएको छ । मुदीमा सडक बिस्तार नहुँदै धवलागिरी गाउँपालिकाले २०७६ सालमा पहिलो हप्ता हेलिकोप्टरबाट २ ट्रान्सफर्मर ढुवानी गरेको थियो । बिजुली बलेसँगै उज्यालोको लागि सोलार, मट्टितेलको टुकीमा निर्भर हुने बाध्यता हटेको स्थानीय अगुवा विजय घर्ती मगरले बताए । घरायसी काम, विद्यार्थीलाई अध्ययन गर्न सहज हुनुका साथै उद्यम व्यवसाय सञ्चालन गर्ने अवसर सिर्जना भएको उनको भनाइ छ । मुदीसम्म विद्युत पु¥याउन स्थानीयको तर्फबाट घर्ती मगरले अगुवाइ गरेका थिए ।
धवलागिरी गाउँपालिकाको उज्यालो पालिका कार्यक्रम अन्तिम चरणमा पुगेको गाउँपालिका अध्यक्ष थमसरा पुन मगरले बताइन् । मुदी र मुनाका सबै घरमा विद्युतीकरण भएपछि गाउँपालिकालाई उज्यालो पालिका घोषणा गर्ने तयारी रहेको छ ।
उज्यालो पालिका कार्यक्रमअन्तर्गत गाउँपालिकाका ५० घरमा ५० वाटको सोलार बत्ती जडान गरिएको छ । यसअघि धवलागिरी ७, वडा ६ मराङ केही घरमा केन्द्रीय प्रसारण लाइनको विद्युत पुगेको छ । मुनास्थित गाउँपालिकाको कार्यालयमा केन्द्रीय प्रसारण लाइनको विद्युतीकरण भइसकेको छ । शनिबार मुदीको धलडाडाँमा रहेको नेपाल टेलिकमको टावरमा पनि विद्युत विस्तार गरिएको छ ।
लुलाङमा गाउँपालिकाले लघुजलविद्युत परियोजनामा ५० लाख रुपैयाँ र वडा ४ बगरमा गाउँपालिकाको ४० लाख र अमेरिकन एक संस्थाको २० लाख सहयोगमा २० किलोवाट क्षमताको सौर्य ऊर्जा मार्फत विद्युतीकरण गरिएको छ ।
Related News
सम्बन्धित समाचार
पेन्सन क्याम्पमा भारतको गणतन्त्र दिवस
मुक्तिनाथमा नेपाली सेनाले बनायो दर्शनार्थीमैत्री विश्रामस्थल
गण्डकीमा पहिलो पञ्चवर्षीय योजना असफल, दोस्रोको तयारी
गण्डकी संसद : मुख्यमन्त्रीसँग प्रश्नोत्तर
कर्णालीमा माओवादीका मुख्यमन्त्रीलाई एमालेले पनि दियो विश्वासको मत
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१