कोरोना कहरमा निमुखाको निमेक

विजय नेपाल
जेठ २०, २०७८
vegetable ~

पोखरा । बिहेपछि रोजगारीको खोजीमा श्रीमानसँगै १० वर्षअघि पोखरा झरेकी हुन्, चन्द्रा पुनमगर । ३० वर्षीया चन्द्रा दैनिक ज्यालादारीमा काम गर्छिन् । उनका पति श्यामलाल घर्तीमगर (३३) गाडी चलाउँछन् । परिवारमा एक छोरी छन् । जन्मजात अपांगता भएकी छोरीको हेरचाहसँगै अरुको निमेक गर्दै चन्द्राको दिन बित्छ ।

गाडीलाइनमा लागेका पतिको ठेगाना हुँदैन । कहिले पोखरा, कहिले वीरगञ्ज त कहिले सुनौली कुदिँरहन्छन् । काम गर्न गएको बखत चन्द्राले ३/४ सय जति कमाउँछिन् भने श्यामलालको भागमा पर्छ, हजार जति ।

बागलुङको बुर्तिवाङबाट पोखरा आएको मगर दम्पती पोखरा–५, मालेपाटनमा महिनाबारी ५ हजार कोठा भाडा तिरेर बस्दै आएको छ । लकडाउनअघि दैनिक गुजारा ठिकठिकै थियो । तर अहिले कोरोना कहरले नराम्ररी गाँजेको छ । श्यामलालको गाडी ग्यारेजमै थन्किएको छ । काम नपाएपछि उनी अहिले जन्मजातै प्यारालाइसिसबाट थलिएकी छोरीको स्याहार गरेर पत्नीलाई खेतबारी पठाउँछन् ।

मालेपाटनमा बुधबार बिहान बारी गोड्दै गरेको अवस्थामा भेटिइन् चन्द्रा । खासमा यो बारी पार्वती अधिकारीले भाडामा लिएकी हुन् । उनले १० वर्षदेखि ३ रोपनी जग्गा भाडामा लिएर तरकारी खेती गर्छिन् । काममा सँगै थिइन्, पार्वतीकी छोरी सावित्री । उनीहरुको एउटै गुनासो थियो, ‘लकडाउनले मार्नु मार्‍यो, हातमुख जोर्नै समस्या होला जस्तो छ । कहिले हट्ला यो कोरोना पनि !’

‘लकडाउनले मार्नु मार्‍यो, हातमुख जोर्नै समस्या होला जस्तो छ ।’

कुराकानीको क्रममा चन्द्राले त आफूले कोरोना पचाएकोसम्म बताइन् । भनिन्, ‘अघिल्लो महिना मलाई रुघाखोकी लाग्यो । हनहनी ज्वरो पनि आयो । पक्कै कोरोना होला भन्ने थियो । तैपनि जचाउन गइनँ । गए कोरोना देखाउँछ । कोठामा छुट्टै बसें । एक सातापछि निको भयो ।’ ‘हामीहरुलाई काम नगरी सुख छैन । एक दिन काम गरिएन भने के खाने ? भन्ने छ । कोरोनाभन्दा पनि भोकमरी पर्ला जस्तो छ,’ चन्द्राले झार पन्छाउँदै गुनासो पोखिन् ।

यत्तिकैमा पार्वतीले थपिन्, ‘तरकारी खेती गरो गरो, बिक्री हुन्न । उस्तै परे फालेर आउनु पर्छ ।’ तरकारी खेती गर्ने किसानको पनि चन्द्राको जस्तै मिल्दोजुल्दो व्यथा रहेछ । हेमजा झिर्झिकाकी पार्वतीको परिवार मालेपाटनमै कोठाभाडामा लिएर बसेको छ । उनका श्रीमान् मजदुरी गर्दा रहेछन् । कास्की प्रशासनले ठिक १ महिनादेखि जारी राखेको लकडाउनले उनी पनि यतिबेला बेरोजगार रैछन् ।

निषेधाज्ञा अवधिभर कास्की प्रशासनले बिहान ५ देखि ९ बजेसम्म मात्र तरकारी, फलफूलका पसल खोल्ने तथा बिक्री वितरणको अनुमति दिएको छ । छोटो समय भएकोले हतारहतार डोको बोकेर सस्तो बजारमा बिक्री गर्न जानुपर्छ । बिक्री भएन भने त्यसै खेर जान्छ । पार्वतीका अनुसार बुधबार बिहान डोकोमा लगेको भन्टा, सिमी, साग आधामात्र बिक्री भएछ । ‘दिनभरि बेच्न पाउनु र एक छिनमात्र बेच्नु फरक पर्छ,’ उनले बिक्री नहुनेको कारण प्रष्ट पारिन् । पार्वतीले आफूहरुजस्तै ११ जना मिलेर सस्तो बजारमा २ स्टल लिएका छन् । निषेधाज्ञाको बेला अधिकांश घरभित्रै खुम्चिएको बेलामा उनीहरु भने खेतीकिसानीमा व्यस्त देखिन्छन । तैपनि कोरोना कहरसँगै जारी निषेधाज्ञाले तरकारीले बजार नपाएको उनको गुनासो छ ।

कृषि बजार व्यवस्थापन समिति, पोखराका निमित्त बजार व्यवस्थापक महेन्द्रसिंह थापाले बिहान ९ बजे नै बन्द गरिसक्नुपर्ने हुँदा किसानको उत्पादनले बजार पाउन नसकेको स्वीकार्छन् । लकडाउन अघिसम्म कृषि बजारमा दैनिक फलफूल ९० देखि १ सय टन र तरकारी १ सयदेखि १ सय २० टन आउँथ्यो । अहिले भने तरकारी ८० र फलफूल ५० टन जति बिक्री वितरण हुने गरेको छ ।

Related News

सम्बन्धित समाचार

    • अन्नपूर्णको बजेट ४२ करोड ३० लाख

      साधन राम्जाली असार ८, २०७८
      म्याग्दी  । अन्नपूर्ण गाउँपालिकाको आगामी आव २०७८/०७९ को लागि प्रस्तुत नीति, कार्यक्रम तथा बजेट पारित भएको छ । गाउँपालिका अध्यक्ष…
    • २० मन्त्री पदमुक्त

      आदर्श समाज सम्वाददाता असार ८, २०७८
      पोखरा । सर्वोच्च अदालतले मन्त्रिपरिषद् विस्तारको निर्णय गरिदिएको छ । योसँगै प्रतितिनि सभा विघटन पछि प्रधानमन्त्री केपी शर्मा ओलीले नियुक्त…
    • गण्डकीमा कोरोना फ्रन्टियर सर्वोत्कृष्ट सेवा पुरस्कार   

      आदर्श समाज सम्वाददाता असार ८, २०७८
      गण्डकी ।  गण्डकी प्रदेशमा कोरोना नियन्त्रणका लागि अग्रङ्ंक्तिमा रही उत्कृष्ट सेवा प्रदान गर्ने स्वास्थ्यकर्मीहरूलाई “कोरोना फ्रन्टियर सर्वोत्कृष्ट सेवा पुरस्कार” को…
    • कास्कीमा साढे ५७ हजारले लगाए कोरोना खोप

      धनबहादुर गुरुङ असार ८, २०७८
      पोखरा । कास्कीमा करिब साढे ५७ हजार जनाले कोरोनाविरुद्धको खोप लगाएका छन् । स्वास्थ्य कार्यालय कास्कीका अनुसार जिल्लामा कुल ५७ हजार…
    • संक्रमित खोज्न वडा तहमा एन्टिजेन

      सविन लामिछाने असार ७, २०७८
      दमौली । शुक्लागण्डकी ७ का ३५ वर्षीय पुरुषले वडास्तरमा खटिएको स्वास्थ्यकर्मीको टोलीसमक्ष स्वाब दिए । एन्टिजेनमार्फत गरिएको परीक्षणमा रिपोर्ट भने…

    hero news full width

    sanil ads

    wordlink ads