दमौली । तनहुँमा कोरोना संक्रमणबाट हालसम्म ७८ जनाले ज्यान गुमाएका छन् । वैशाख मसान्तसम्म यसको संख्या मात्र ३५ थियो । दोस्रो लहरको कोरोना भेरियन्टका कारण १ महिनामै दोब्बर बढी संख्यामा संक्रमितको ज्यान गएको छ ।
प्रदेश स्वास्थ्य निर्देशनालय गण्डकीका अनुसार २०७७ वैशाख दोस्रो साता पहिलो पटक संक्रमित फेला परेको तनहँुमा जेठ दोस्रो साताबाट मृत्युको सिलसिला सुरु भएको हो ।
२०७७ वैशाख १४ देखि चैत्र मसान्तसम्म तनहँुमा १ हजार ५ सय ३ जना संक्रमित भए । तीमध्ये १ हजार ४ सय ६९ निको भइ घर फर्केका छन् भने २९ ले ज्यान गुमाए । यस वर्षको जेठमा मात्र १ हजार २ सय ५६ संक्रमित थपिएकोमा ४३ जनाको मुत्यु भयो । यसरी १ वर्ष अवधिमा भएको मृत्यु संख्याभन्दा जेठमा त्यसको दोब्बर छ । यो बढ्दो ग्राफले जिल्ला निकै जोखिममा परेको स्वास्थ्य कार्यालय तनहँुका प्रमुख शंखरबाबु अधिकारीले बताए । उनका अनुसार वैशाखमा ४ सय ४८ नयाँ संक्रमित थपिए । तीमध्ये ८५ डिस्चार्ज भए । वैशाखमा मात्र संक्रमण ६ जनाले ज्यान गुमाए ।
गत वर्ष २९ संक्रमितले ज्यान गुमाएकोमा यसपालि जेठमै दोब्बर अर्थात ४३ को मृत्यु भइसकेको छ ।
पहिलो लहरको कोरोना महामारीमा समयमै संक्रमितको सम्पर्कमा आएकाको सोधीखोजी गरिएको थियो । धेरै संक्रमित देखिए टोल नै सिल गरिन्थ्यो । तर अहिले सावधानीका सवालमा दोस्रो चरणमा केही ढिलाइ भएको पाइएको छ ।
जिल्ला कोभिड–१९ संकट व्यवस्थापन केन्द्र, तनहँुलाई जिल्लाका सरोकारवालाले तत्काल लकडाउन गर्न पटक–पटक सुझाव दिएका थिए ।
सरकारले पहाडी क्षेत्रमा २ सय सक्रिय सक्रंमित पुगे निषेधाज्ञा लगाउन स्थानीय प्रशासनलाई अधिकार दिएको थियो । छिमेकी जिल्ला कास्की र चितवन कोरोनाको हटस्पट बन्दै जाँदा जिल्ला कोभिड–१९ संकट व्यवस्थापन केन्द्र भने २ सय सक्रिय संक्रमित पुगेपछि निषेधाज्ञा लगाउने सोचमा थियो । वैशाख २२ मा तनहँुको बजार क्षेत्र निषेधाज्ञा लगाइयो । तर यतिबेलासम्म ढिला भइसकेको स्वास्थ्यकर्मी बताउँछन् । अहिले बल्ल जिल्लाभर निषेधाज्ञा छ । दोस्रो लहर सुरु भइसक्दा मानिसको आवतजावत रोक्न, भारतबाट आएकालाई जाँच गरेरमात्रै घर पठाउने काममा ढिलाइ र पहिलो चरणजस्तो सम्झिएर कोरोनालाई सामान्य रुपमा लिइँदा वैशाखमा कोरोनाको आगो दन्किन पुगेको विश्लेषक बताउँछन् ।
पहिला आइसोलेसन वार्ड र क्वारेन्टाइन व्यवस्थापनमा जुटेका स्थानीय तह यो वर्ष सबैभन्दा बढी अक्सिजन खोजीमा लागिपरे । अक्सिजन समस्या जिल्लामा अझै छ । कोरोना संक्रमितमध्ये अधिकांश होम आइसोलेसनमै छन् । होम आइसोलेसनमा रहेकाहरुले चिकित्सकसँग परामर्श लिन र अलिकति अप्ठेरो परे अस्पताल आउने चिकित्सकले सुझाव दिएका छन् ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१