पोखरा । कोरोना महामारीको बेला प्रविधिको उच्च प्रयोग गर्दै कास्की जिल्ला अदालतले भर्चुअल (श्रव्य–दृश्य) माध्यमबाटै प्रतिवादीको बयान लिन थालेको छ ।
जिल्ला अदालतमा अभियोगपत्रका साथ पक्राउ परिआएका प्रतिवादीको भर्चुअल प्रविधि प्रयोग गरी बयान लिइएको सूचना अधिकारी नील पनेरुले बताए ।
पहिलो दिन जिल्ला प्रहरी कार्यालय कास्की र वडा प्रहरी कार्यालय बैदाममा रहेका ४ फरक मुद्दा ७ प्रतिवादीसँग बयान लिइएको हो । न्यायाधीश श्रीकृष्ण भट्टराई, डण्डपाणि शर्मा, नारायणप्रसाद पौडेल र देवप्रसाद योगीले बयान लिएका हुन् ।
फौजदारी कार्यविधि संहिताको दफा १२२ को (५) (६) मा थुनामा वा हिरासतमा रहेको व्यक्तिसँग अदालतले श्रव्यदृश्य माध्यमबाट समेत बयान लिन सक्ने व्यवस्था छ । सोही व्यवस्था अनुसार कोरोना महामारीको संक्रमण जोखिमलाई ध्यानमा राखी प्रविधिको प्रयोग गरिएको पनेरुले बताए ।
फौजदारी मुद्दामा प्रतिवादीसँग थुनछेक अघि नै न्यायाधीशले बयान लिनुपर्छ । फौजदारी मुद्दाअन्तर्गत लागु औषध, जबर्जस्ती करणी, ज्यान मार्ने उद्योग लगायतका मुद्दा पर्दछन् ।
कोरोनाको जोखिमलाई हेरेर अर्को आदेश जारी नभएसम्मका लागि यही प्रविधि अपनाइने अदालतले जनाएको छ । यस साथै वकिलले समेत भर्चुअलले बहस गरेका छन् ।
अदालतले अघिल्लो सातादेखि नै म्याद थपको व्यवस्था भर्चुअल सुरु गरिसकेको थियो ।
जिल्ला अदालत कास्कीमा हाल १ न्यायाधीशसहित १२ जना कर्मचारीमा कोभिड–१९ संक्रमण पुष्टि भएको छ ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१