पोखरा । नेपाल सुपर लिग(एनएसएल)अन्तर्गत बुधबारको दोस्रो खेलमा विराटनगर फुटबल क्लबलाई पोखरा थन्डर्स फुटबल क्लबले हराएको छ ।
दशरथ रंगशालामा सम्पन्न खेलमा विराटनगरविरुद्ध पोखराले १–० गोलको जित निकालेको हो । पोखराका लागि नवयुग श्रेष्ठले निर्णायक गोल गरेका थिए । खेलको पहिलो मिनेटमा विराटनगरका पेड्रो मान्जीको गोल गोलफसाइड करार भएपछि विराटनगरले दबाब बनाउन सकेन । र, अग्रता बनाउनबाट पनि चुक्यो ।
यता लिगको पहिलो खेलमा हार खेपेको पोखराले खेल सुधार गर्दै अधिक समय पकडमा राख्न सकेको थियो । पहिले खेलको तुलनामा कमजोर प्रदर्शन गरेको विराटनगरविरुद्ध पोखराका मौसा आब्बाले १०औं मिनेटमा गोलको सहज अवसर गुमाएका थिए ।
दशरथ रंगशालामा सम्पन्न खेलमा विराटनगरविरुद्ध पोखराले १–० गोलको जित निकालेको हो
दोस्रो हाफमा विराटनगरले केही सुधारिएको प्रदर्शन गरेको थियो । त्यसबीच पोखराका नवयुग श्रेष्ठले ५४ औं मिनेटमा गरेको गोलको प्रयास विराटनगरका किपर किशोर गिरीले बचाएका थिए ।
६१औं मिनेटमा डी–बक्स बाहिरबाट रवि पासवानले गरेको प्रहार भने पोलमा लागेर बाहिरिएको थियो । तर ८३ औं मिनेटमा अब्बाको फ्री किकलाई फरवार्ड श्रेष्ठले गोलमा बदल्न चुकेनन् । उनले हेडमार्फत गोल गरेका थिए ।
दोश्रो चरणको खेल सकिँदा ललितपुरको १ अंक छ भने काठमाडौं, बुटबल, पोखरा, विराटनगर र धनगढीको समान तीन अंक छ । बुटबल लुम्बिनीले ४ अंक जोड्दा चितवनको २ अंक छ ।
दोस्रो चरण सकिँदा बुटबल लुम्बिनी शीर्षस्थानमा छ । विराटनगर दोस्रो स्थानमा छ । खेलपछि कुरा गर्दै विराटनगरका कोच यान लले खेलाडीले कन्फिडेन्स गुमाएको बताए । उनले भने, ’आजको खेलमा हामीले अन्तिममा गोल खायौं । हामीले राम्रो फुटबल खेल्यौं । तर पोखराले आज पहिलेको भन्दा राम्रो खेल्यो । तर केही चाहिँ राम्रो ब्लक गर्न सक्यौं ।’
आजको खेलमा मान्जीले चाहेको जस्तो क्जेल्न सकेनन् । उनी पोखराको नजरमा पनि परे । उनले फरबार्डमा केही समस्या देखिएको उनले बताएका छन् । ’अबको खेलमा हामी फरक रणनीतिका साथ खेल्नेछौं,’ उनले भने ।
यता पोखराका सहायक राजेस राईले आफ्नो योजना अनुसार खेलेको बताए । उनले दबाबका बीच विदेशी खेलाडी हटाएर अजितलाई छिराउनु फाइदाजनक भएको बताएका छन् ।
‘२ खेल सकिँदा पनि प्रतिस्पर्धा टफ भएको छ । अझै धेरै गर्नु छ । हेड कोच नहुँदा निकै प्रेसर छ,’ उनले भने ।
Related News
सम्बन्धित समाचार
महेन्द्रपुल युथ क्लब आयोजनामा बास्केटबल प्रतियोगिता हुने
को होला उत्कृष्ट प्रशिक्षक ?
उत्कृष्ट खेल संघ वा क्लबतर्फको अवार्ड सहारालाई
भलिबलमा अटल हिमाल
इन्द्रालाई लाइफटाइम अचिभमेन्ट अवार्ड
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१