पोखरा। पोखरेली युवा सांस्कृतिक परिवार (पोयुसांप) ले सञ्चालन गर्दै आएको समता काव्य सन्ध्याको ३३५ औं शृंखला शनिबार भएको छ । परिवारले कविताको अघोषित पाठशालाका रुपमा प्रत्येक महिनाको पहिलो शनिबार सञ्चालन गर्दे आएको अभियान कोभिड १९ को बाबजुद समता काव्य सन्ध्यालाई निरन्तरता दिंदै ११ ओटा शृंखला भच्र्युल सञ्चालन गरेको छ ।
एकाबिहानै झिसमिसेमा
एउटा ड्याङ्ग्रे चरो
अनि म
सहर छिरेका थियौं
फर्किने बेलामा
हामी नदी किनारमा भेटियो
मैले देखेँ
उसको चुच्चो रित्तो थियो
उसले देख्यो
मेरो हात रित्तो थियो
आखिर
केही त थियो
फर्कनुपर्ने बाध्यता
उसका
एक जोडी बचेराहरु
मेरा
एक जोडी माउहरु
कलाकार शरद भण्डारीको ‘पिता र पुत्र’ शीर्षकको कविता सुनेपछि कार्यक्रमका अतिथि कवि ईश्वरमणि अधिकारीले भने रंगहरुसँग खेल्ने एउटा राम्रो कलाकारले जब अक्षरहरुसँग खेल्छ तब यस्तै राम्रा कविता बन्छ । परिवारका अध्यक्ष मोती भुजेलले भने, ‘आज साँच्चै कविताको अघोषित पाठशाला जस्तै लागेको छ ।
जब पाठशालामा बसिन्छ एक अर्काका रचना सुन्ने र सुनाउने काम अन्तसम्म गरिन्छ । अग्रज र अनुजहरुले आफ्ना रचनाहरु सुनाउने समता काव्य सन्ध्यामा कवि ईश्वरमणि अधिकारी, लक्ष्मण थापा, रीता अधिकारी, शिव त्रिपाठी, चैतन्य अधिकारी ,चन्द्रवती वाग्ले, लक्ष्मी थापा, कौशल चन्द्र जिसी, विष्णु गुरुङ ‘एकता’, शरद भण्डरी, रोशन तिमिल्सिना, दीपेन्द्र पहारी लगायत कविले आफ्ना रचना वाचन गरेका थिए ।
परिवारका साहित्य संयोजक रीता अधिकारीले स्वागत मन्तव्यसहित रचना वाचन गरेकी थिइन् । संस्थाका अध्यक्ष मोती भुजेलको अध्यक्षतामा भएको कार्यक्रम सञ्चालन पोयुसांपका सहसचिव शिव त्रिपाठीले गरेका थिए ।
Related News
सम्बन्धित समाचार
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
छन्द बचाऊँ वाचनकला पुरस्कारबाट त्रिपाठी सम्मानित
सिर्जनशीलमा दार्शनिक ज्ञानको प्रबोधीकरण
सबीको अपरिभाषित आभा लोकार्पित
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१