पोखरा। राष्ट्रिय अपांग महासंघ नेपाल, गण्डकीको आयोजनामा प्रदेशमा अपांगता समावेशी जनगणनाको लागि अभियान सुरु भएको छ ।
‘मलाई गणना गर : मलाई समावेश गर’ भन्ने नारा सहित शुक्रबार केन्द्रीय तथ्यांक विभागका महानिर्देशक नेविनलाल श्रेष्ठ, निर्देशक ढुण्डिराज लामिछाने र राष्ट्रिय अपांग महासंघ नेपालका संघीय अध्यक्ष मित्रलाल शर्माको उपस्थितिमा अभियान सुरु गरिएको हो ।
राष्ट्रिय जनगणना–२०७८ जनगणनामा अपांगता भएकाहरुको यकिन तथ्यांक पत्ता लगाउन दक्षिण कोरियाको ‘मेक द राइट रियल फन्ड’ को सहयोगमा अभियान सुरु गरिएको महासंघ गण्डकी प्रदेशका अध्यक्ष खोमराज शर्माले जानकारी दिए ।
गण्डकीमा बसोबास गर्ने अपांगता भएका व्यक्तिको यकिन तथ्यांक दिन कार्यक्रम गरिएको उनको भनाइ छ । यो अभियान दक्षिण कोरियाको ‘मेक द राइट रियल फन्ड’ बाट १८ देशका ४६ प्रस्तावमध्ये उत्कृष्ट २ छनोट भई सुरु भएको हो । अभियानले प्रदेश, जिल्ला, पालिका र वडामा अपांगता भएकाहरुको जनगणनामा सहभागिताका लागि वकालत गर्ने, अपांगता भएकालाई प्रशिक्षक बनाउने लगायतको काम गर्नेछ । ११ प्रदेशमा २२ जना फोकलपर्सन मनोनयन गरी परिचालन गरिने, सरोकारवालालाई म्यासेज मार्फत स्मरण गराउने काम पनि गर्ने अध्यक्ष शर्माले जानकारी दिए ।
राष्ट्रिय अपांग महासंघ नेपालका अध्यक्ष मित्रलाल शर्माले राजनीतिक पार्टी र मिडियाको पहँुचमा अपांग पुग्न नसकेको बताए । अपांगता सम्बन्धी अधिकारका लागि व्यक्ति संख्या नै आवश्यक पर्ने देखिएको कारण यो अभियान नेपालमा पहिलो पटक गण्डकी प्रदेशबाट सुरुवात गरिएको उनको भनाइ छ ।
२०७८ सालमा हुने जनगणनामा अपांगता भएका व्यक्ति नछुटुन् भनी केन्द्रीय तथ्यांक विभागले त्यही अनुसार काम सुरु गरेको विभागका महानिर्देशक श्रेष्ठले जानकारी दिए ।
उनका अनुसार यसपालिको जनगणनामा ५० हजार जनशक्ति खटिने छन् । जसमध्ये ३९ हजार गणक रहने छन् । ८ हजार सुपरिवेक्षक र बाँकी व्यवस्थापकीय कर्मचारी खटिनेछन् । कास्कीमा सुपरिवेक्षक १ सय ९० र गणक ८ सय २५ जना खटिने भएका छन् ।
Related News
सम्बन्धित समाचार
वेगनास ताल डुंगा व्यवसायीको गुनासो-मोटरबोट रोकियो, रोजीरोटी खोसियो
ब्ल्याक बुल्स् सेमिफाइनलमा
नेपालमै बन्यो शक्तिशाली नवग्रह मन्दिर, यस्ता छन् विशेषता
प्रतिभामा सिमसार बहस गर्दै विद्यार्थी
सहारा एकेडेमीका ६ खेलाडी ब्रिगेड ब्वाइजमा अनुबन्धित
hero news full width
मुख्य समाचार
कोटीहोम गोलचक्करमा पोखरा
थ्रिस्टार सेमिफाइनलमा प्रवेश
माघ २८, २०८१पूर्वराजा ज्ञानेन्द्र पोखरामा
माघ २८, २०८१गण्डकी धौलागिरी पेट्रोलियममा मोहन
माघ २८, २०८१सम जयन्तीमा रंगकर्मीको सम्मान
माघ २८, २०८१बार काउन्सिल पार्षद् सदस्यमा दयाराम गौतम निर्वाचित
माघ २६, २०८१