Worldlink ads

प्रवीण सम्झिँदै कविता गाउँ

आदर्श समाज सम्वाददाता
चैत्र १२, २०७७
lumle pravin (1)

पोखरा । लोक गायक प्रवीण गुरुङको स्मृतिमा चैत १७ देखि २७ सम्म हुने कार्यक्रमको तयारी तीव्र पारिएको छ ।

उनको जन्म गाउँ अन्नपूर्ण ६, लुम्लेमा हुने कार्यक्रमबारे आयोजक रिनी म्यु (दिदीबहिनी दाजुभाइ) समाजले बुधबार पत्रकार सम्मेलन गरी जानकारी दिएको हो ।

प्रवीण गुरुङको स्मृति प्रतिष्ठान गठन गर्ने, गुरुङको सालिक संरक्षण र व्यवस्थापन गर्ने, स्वदेश तथा विदेशमा गुरुङलाई चिनाउने उद्देश्यले कार्यक्रम गर्न लागिएको हो ।

२०१८ माघ १ गते जन्मेका गुरुङको २०५१ साउन २२ गते काठमाडौंमा सवारी दुर्घटनामा परी निधन भएको थियो ।

अन्नपूर्ण गाउँपालिकाको विशेष सहयोगमा हुने कार्यक्रममा खुला दोहोरी गीत प्रतियोगिता, स्रष्टा सम्मान, दोस्रो संस्करणको गाउँ स्तरीय पुरुष भलिबल प्रतियोगिता (सुनगाभा कप २०७७), लेकाली ब्याडको लाइभ कन्सर्ट साथमा विविध सांस्कृतिक कार्यक्रम गरिने समितिका समितिमा सचिव राजु गुरुङले जानकारी दिए । दोहोरीगीततर्फ ८ समूह र भलिबलतर्फ २० समूहले प्रतिस्पर्धा गर्ने सचिव गुरुङले बताए ।

कार्यक्रम अन्तर्गत चैत २० गते गाउँपालिका अध्यक्ष युवराज कुँवरले गुरुङको सालिक अनावरण गर्नेछन् ।

यस्तै, लेकाली ब्यान्डका भोकलिस्ट नवीन गुरुङलाई सम्मान गर्ने कार्यक्रम छ भने धनबहादुर गायकलाई मरणोपरान्त सम्मान गर्न लागिएको छ ।

दोहोरीतर्फ प्रथम हुने समूहले २० हजार, द्वितीयले १५ हजार, तृतीयले १० हजार तथा सान्त्वनाले ६ हजार रुपैयाँका साथमा प्रमाणपत्र प्राप्त गर्नेछन् ।

भलिबलमा प्रथम हुने समूहले ५० हजार ५ सय ५५, द्वितीयले ३० हजार ५ सय ५५, तृतीयले १५ हजार ५ सय ५५ र सान्त्वना हुने समूहले ५ हजार साथमा मेडल र प्रमाणपत्र प्राप्त गर्नेछन् । बेस्ट प्लेयर, ब्लकर र सर्भरलाई पनि आकर्षक पुरस्कारको व्यवस्था गरिएको आयोजकले जनाएको छ ।

पत्रकार सम्मेलनमा समाजका वरिष्ठ सल्लाहकार आइबहादुर गुरुङ, वडाध्यक्ष चित्रबहादुर गुरुङ, समाजका अध्यक्ष टेकबहादुर गुरुङ, मूल समितिका सदस्य नवीन गुरुङ र जीवन दाहाल, खेल संयोजक रोहित गुरुङ लगायतले कार्यक्रमको उद्देश्यबारे बोलेका थिए ।

गुरुङका ‘यो दाजुको मिरमिरे आँखा’, ‘सालैजो हितैको माया’, ‘फूल, मायामा नभुल’, ‘माथिबाट को आयो सालको पात बजाउँदै,’ लगायतका गीत प्रचलित छन् ।

Related News

सम्बन्धित समाचार

    • रेखा थापा महामन्त्रीमा पराजित

      आदर्श समाज सम्वाददाता मंसिर १९, २०७८
      पोखरा, १९ मंसिर । नायिका रेखा थापा राप्रपा महामन्त्रीमा पराजित भएकी छिन्। राजेन्द्र लिङ्देन प्यानलबाट महिला कोटाको महामन्त्रीमा निर्वाचन लडेकी…
    • ‘आकाशगंगाको किनार’ लोकार्पण

      आदर्श समाज सम्वाददाता मंसिर १३, २०७८
      पोखरा । कवि एवं लेखक अजित उत्सवको कविता संग्रह ‘आकाश गंगाको किनार’ पोखरामा लोकार्पण गरिएको छ । नेपाल संगीत तथा…
    • नीलकण्ठ घिमिरेको ‘शान्ति कामना’ लोकार्पण

      आदर्श समाज सम्वाददाता मंसिर १२, २०७८
      पोखरा । नीलकण्ठ घिमिरेका कविताको संग्रह ‘शान्ति कामना’ शनिबार लोकार्पण गरिएको छ । उनको तेस्रो स्मृति दिवस पारेर महाकाव्यकार जनार्दनशरण…
    • लोकनृत्य कलाकार संघबाट सम्मान

      आदर्श समाज सम्वाददाता मंसिर ७, २०७८
      पोखरा । लोकनृत्य कलाकार संघ कास्कीको प्रथम वार्षिकोत्सव कलाकार सम्मान तथा सांस्कृतिक कार्यक्रमसहित सम्पन्न भएको छ । संस्थाले गुरुङ चलचित्रका…
    • निबन्ध प्रतियोगितामा शीतलादेवीकी करिना प्रथम

      आदर्श समाज सम्वाददाता मंसिर ५, २०७८
      पोखरा । महाकवि लक्ष्मीप्रसाद देवकोटाको ११३ औं जन्म जयन्तीका अवसरमा पोखरा प्रज्ञा–प्रतिष्ठानद्वारा आयोजित पोखरा महानगरपालिकाका विद्यालयबीचमा बीचमा भएको निबन्ध प्रतियोगितामा…

    hero news full width

    trending post

    ट्रेन्डिङ्ग