पोखरा । महाशिवरात्रि पर्व अवसरमा ब्रह्मकुमारी ईश्वरीय विश्वविद्यालय क्षेत्रीय कार्यालय पोखराले शिव ध्वजारोहण, शान्ति शोभायात्रा तथा स्नेहमिलन कार्यक्रम आयोजना ग¥यो ।
गण्डकी प्रदेशका भूमि व्यवस्था, कृषि तथा सहकारी मन्त्री लेखबहादुर थापा मगरले खराब प्रवृत्ति त्यागेर सच्चरित्र अवलम्बन गर्ने दिनको रुपमा महाशिवरात्रि रहेको उल्लेख गरे । उनले आफ्नो व्यापार व्यवसाय अलावा ब्रह्मकुमारीमा लागेर धेरैले मानवीय सेवा प्रदान गरिरहेको आफूले देखेको बताए ।
गण्डकी प्रदेश सांसद मीना गुरुङले सृष्टिकर्ता परमात्माको स्मरण गर्दै प्राप्त ज्ञानलाई मानव कल्याणमा लगाउनु पर्नेमा जोड दिइन् ।
अध्यक्षको आसनबाट संस्थाकी अध्यक्ष ब्रह्मकुमारी परिणीताले भगवान् शिव नै शान्तिको स्रोत भएको उल्लेख गर्दै आजको दिनमा मानव कल्याणमा लाग्ने प्रतिबद्धता गर्नुपर्नेमा जोड दिइन् ।
संस्थाका महासचिव वरिष्ठ राजयोगी ब्रह्मकुमार शैलेशराज बरालले महाशिवरात्रि परम्परागत रुपमा मनाइँदै आएको भए पनि ब्रह्मकुमारी विश्वविद्यालय ८५ औं दिवस रुपमा मनाएको बताए ।
कार्यक्रमको सञ्चालन ब्रह्माकुमारी ईश्वरीय विश्वविद्यालय नयाँबजारकी सञ्चालिका ब्रह्माकुमारी शोभाले गरेकी थिइन् ।
झण्डोत्तोलन समारोहपछि नयाँबजारबाट रथयात्रासहित निस्केको शान्ति शोभा यात्रा पोखरा–११, फूलबारीस्थित निर्माणाधीन दिव्य शान्ति अनुभूति केन्द्रमा पुगी समापन भएको थियो ।
महाशिवरात्रि पर्व अवसरमा पोखराका विभिन्न शिव मन्दिरमा शिव पूजा, भजन कीर्तन लगायत कार्यक्रम भएका थिए ।
Related News
सम्बन्धित समाचार
पोखरामा श्रीमद्भागवत् महायज्ञ सुरु
नयाँबजारमा भोलिदेखि श्रीमद्भागवत् ज्ञान महायज्ञ
तोरन्लमा रमाउँदै थकाली समुदाय
पोखरामा श्रीमद्भागवत् ज्ञान महायज्ञ तयारी
वाल्मीकि आश्रम पुग्न भारतीय भूमि प्रयोग गर्नुपर्ने बाध्यता
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१