पोखरा । पोखरा महागरपालिका १ पुरानो टुडिखेलमा भएको ‘दोस्रो देश्ना चन्द स्मृति भेट्रान्स सेभेन ए साइड नयाँगल्ली कप २०७७’को उपाधि ब्रदरवुड भेट्रान्सले जितेको छ ।
शनिबार भएको फाइनल खेलमा गार्डेन एफसी भेट्रान्सलाई टाइबे्रकरमा ३–२ गोल अन्तरले पराजित गर्दै उपाधि हात पारेको हो । निर्धारित समयमा दुवै तर्फबाट कुनै गोल नभएपछि खेल टाइब्रेकरमा धकेलिएको थियो । टाइब्रेकरमा गार्डेनका मनबहादुर गुरुङको पेनाल्टी प्रहार पोलमा लागेर फर्किदा उपविजेतामा चित्त बुझाउनु परेको हो ।
ब्रदरवुडका लागि मनोज गुरुङ, मिले गुरुङ र कप्तान विक्रम गुरुङले गोल गरेका थिए । गार्डेनको तर्फबाट कप्तान विनोद गुरुङ र विकास गुरुङले गोल गरेका हुन् । निर्धारित २५–२५ मिनेटको निर्धारित समयमा दुवै टिमबाट राम्रा राम्रा अवसरमा गोल गर्न नसक्दा खेल टाइब्रेकरतर्फ मोडिएको हो । विजेता बनेको ब्रदरवुडले नगद ७० हजार रुपैयाँसहित सिल्ड, मेडल र प्रमाणपत्र प्राप्त ग¥यो । उपविजेता गार्डेन भेट्रान्सले ४० हजार रुपैयाँसहित सिल्ड, मेडल र प्रमाणपत्रमा चित्त बुझाउनुप¥यो ।
प्रतियोगिताको सर्वोत्कृष्ट खेलाडीमा ब्रदरवुडका मनोज गुरुङ चुनिए । उनको दाम्पतीलाई पुरस्कार स्वरुप रुपाकोट रिसोर्टको तर्फबाट एकरात आवास तथा खानाको व्यवस्था गरिएको आयोजकले जनाएको छ । विधागत पुरस्कारतर्फ गार्डेनका विकास गुरुङ बेस्ट डिफेन्डर र मनबहादुर गुरुङ मिडफिल्डर चुनिएका थिए । ब्रदरवुडका रिम पुन बेष्ट गोलरक्षक, मनोज गुरुङ बेस्ट स्ट्राइकर भए । यस्तै भ्याली स्पोर्टस्का विजय गुरुङ हाइ स्कोरर हुँदा गोर्खा अल्टिमेट फिटनेस सेन्टरले फेयर प्लेको पुरस्कार प्राप्त ग¥यो । विधागत रुपमा उत्कृष्ट टिम र खेलाडीलाई ट्रफी र मेडल प्रदान गरिएको थियो ।
प्रतियोगिताको विजेता तथा उपविजेता टिमलाई स्वर्गीय देश्ना चन्दका पिता विवेक चन्द, उत्साह चन्द, एन्फा कास्कीका अध्यक्ष मीलन गुरुङ, आयोजनक संस्थाका अध्यक्ष, सल्लाहकार लगायतले पुरस्कार वितरण गरेका थिए । गत फागुन १२ गतेदेखि सुरु भएको प्रतियोगितामा कुल १८ टिमको सहभागिता थियो ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१