घान्द्रुकमा ‘शिरसुबा’ प्रदर्शन

Avatar आदर्श समाज सम्वाददाता
माघ १४, २०७७
sirsuba film cover photo

हेमजा । ब्रेज मेश्रो फिल्म प्रोडक्शनले निर्माण गरेको गुरुङ भाषाको चलचित्र ‘शिरसुबा’ घान्द्रुकमा प्रदर्शन गरिएको छ । चलचित्र गुरुङ समुदायको संस्कार–संस्कृतिमा आधारित छ । चलचित्रका बजार व्यवस्थापक अमृत गुरुङ लामाले अब घान्द्रुक आसपासका क्षेत्र लगायत पोखरा हुँदै विदेशमा समेत चलचित्र प्रर्दशन गरिने बताए ।

गुरुङले पर्यटकीय गाउँ घान्द्रुकको सेरोफेरोमा अधिकांश छायांकन गरिएकोले प्राथमिकतामा राखेर पहिलो पटक सो गाउँमा प्रदर्शन गरिएको स्पष्ट पारे । करिव ३ सय बढी स्थानीयले चलचित्र अवलोकन गरेका छन् ।

चलचिलको कथा निर्मातामा विमल गुरुङ छन् । त्यस्तै पटकथा र निर्देशन माओत्से गुरुङले गरेका छन् । जसको मुख्य भूमिकामा विश्वास गुरुङ, सुमन गुरुङ, सुमित गुरुङ र प्रिति गुरुङलाई देख्न सकिन्छ ।

त्यस्तै सोम गुरुङ, डिबी गुरुङ, आइतराम गुरुङ, अञ्जु गुरुङ, टिकाराम घले, रविता गुरुङ, अंशु गुरुङ, विरवल गुरुङ, राजेन्द्र थापा, रजनी गुरुङ, सुरज गुरुङ लगायतको पनि अभिनय छ।चलचित्र सुशान प्रजापतीले छायांकन गरेका हुन् ।

प्रर्दशनपछि धारणा राख्दै निर्देशक माओत्से गुरुङले सवैको सद्भावले चलचित्र सफल हुने विश्वास व्यक्त गरे । ३५ लाखको लागतमा चलचित्र निर्माण गरिएको हो । जसको छायांकन गत वर्ष मंसिरमा भएको थियो । यो ब्रेज मेश्रो फिल्म प्रोडक्सन घान्दु्रकको दोस्रो प्रस्तुति हो ।

Related News

सम्बन्धित समाचार

    • सिनेमा संवाद @ घान्द्रुक

      Avatar आदर्श समाज सम्वाददाता माघ १३, २०७७
      पोखरा । मुलुकका ग्रामीण क्षेत्रहरु प्राकृतिक स्टुडियोको रुपमा विकास गर्न सकिने सम्भावना देखिँदै आएका छन् । राष्ट्रिय तथा अन्तर्राष्ट्रिय फिल्मको…

    hero news full width

    sanil ads

    wordlink ads