पोखरा । पोखरामा स्वास्थ्य आपतकालीन महामारीको पूर्वतयारी तथा प्रतिकार्यको लागि जनचेतनामूलक कार्यक्रम सुरु भएको छ ।
कोभिड–१९ जस्ता महामारी आइलाग्दा नियन्त्रण गर्न भविष्यमा आइपर्ने जोखिमको पूर्वआँकलन गर्न र त्यसबाट सुरक्षित हुन रणनीति तयार गर्न लागिएको हो । कार्यक्रमका सहभागीले जोखिम न्यूनीकरणमा स्वास्थ्य क्षेत्रलाई तयारी अवस्थामा राख्नुपर्ने सुझाव दिए ।
कार्यक्रममा स्वास्थ्य क्षेत्रमा कार्यरत स्थानीय स्वास्थ्यकर्मी तथा मानवीय सेवामा कार्यरत विभिन्न संघसंस्थाका प्रतिनिधिहरु सहभागी छन् । स्वास्थ्य आपतकालका बेला जनस्वास्थ्यसम्बन्धी जोखिम न्यूनीकरण र नेपालजस्तो अति कम विकसित र जनस्वास्थ्य क्षेत्रमा सीमित पूर्वाधार भएको मुलुकमा सम्भावित स्वास्थ्य क्षेत्रको जोखिम घटाउनु आवश्यक रहेको उनीहरुले बताए ।
कार्यक्रमका लागि चौधरी फाउन्डेसन, नबिल बैंक र सरकारी निकायका विज्ञहरुले सहजीकरण गरेका थिए ।
चौधरी ग्रुपका प्रबन्ध निर्देशक निर्वाण चौधरीले नेपालमा महामारी रोग नियन्त्रणका लागि चौधरी फाउन्डेसनले सरकार र निजी क्षेत्रसँग हातेमालो गरेर काम गरिरहेको सुनाए । पिपिई, मास्क, भेन्टिलेटर उपकरण उपलब्ध गराएको उनको भनाइ छ ।
पोखरा महानगरपालिकाका मेयर मानबहादुर जिसीले निजी क्षेत्रसँग साझेदारी गर्न आफूहरु तयार रहेको बताए । ‘सरकार एक्लैले गरेर केही हुँदैन, निजी क्षेत्रले दुख पर्दा साथ दिएकै छ,’ उनले भने, ‘आगामी दिनमा पनि दीर्घकालीन साथ खोजेका छौं । साझेदारीमा विपदविरुद्ध लडौं ।’
महामारी स्वास्थ्य जटिलता न्यूनीकरण गर्ने सरकारी र निजी क्षेत्रको प्रयासलाई एउटै छातामुनि राखेर दीर्घकालीन रणनीति तय गर्ने उद्देश्यले सातै प्रदेशमा कार्यक्रम आयोजना गरिएको चौधरी फाउण्डेसन प्रमुख मेरिना रन्जितकारले जानकारी दिइन् ।
कार्यक्रममा स्वास्थ्य मन्त्रालय, नबिल बैंक, चौधरी फाउन्डेसन, एसियाली विपद पूर्वतयारी केन्द्र तथा एनडिआरसीको संयुक्त साझेदारी छ ।
Related News
सम्बन्धित समाचार
रोटरी काठमाडौं हेरिटेजको पदस्थापन
पोखरामा १४ मजदुर सम्मानित
‘शान्ति छर्न ब्रह्मकुमारी विश्वविद्यालयको योगदान’
रानाभाट/भाटलाई छुट्टै जातिमा सूचीकृत गरिने
मानव सेवा अश्रममा खाना खुवाइयो
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१