Worldlink ads

एन प्याब्सान कास्कीले मनायो स्थापना दिवस

Avatar आदर्श समाज सम्वाददाता
पौष २९, २०७७
n pabson

पोखरा । नेसनल प्याब्सान कास्कीले विविध कार्यक्रमको आयोजना गरी २३ औं स्थापना दिवस मनाएको छ । ‘सहजतामा हैन संकटमा पनि साथ, निजी विद्यालय सदैव बालबालिका माझ’ भन्ने मुल नाराका साथ संस्थाले आफ्नो स्थापना दिवस मनाएको हो ।

कार्यक्रममा २०५५ सालमा स्थापना भएका ६ वटा सदस्य विद्यालयलाई सम्मान गरेको छ । यसरी सम्मानित हुने विद्यालयमा कास्की मोडनाइज्ड एकेडेमी, रत्नज्योति मावि, फेवा बोर्डिङ स्कुल, चिल्ड्रेन्स एकेडेमी, राइजिङ स्टार एकेडेमी, साइनिङ स्टार बोर्डिङ स्कुल छन् । ती विद्यालयका संस्थापकलाई सम्मान पत्र र दोसल्ला ओढाई सम्मान गरिएको थियो ।

यसैगरी सामाजिकदायित्व अन्तर्गत राष्ट्रिय आविस्कार केन्द्रलाई एन प्याब्सान कास्कीले १ लाख १ हजार १ सय ११ रुपैयाँ डा.महावीर पुनलाई हस्तान्तरण गरेको एन प्याब्सान कास्कीका उपाध्यक्ष तथा कार्यक्रम संयोजक शिवदत्त तिवारीले जानकारी दिए ।

सोहि अवसरमा पोखरा महानगरपालिका भित्रका सामुदायिक विद्यालयका विद्यार्थीका लागि १० हजार मास्क हस्तान्तरण गरिएको थियो । कार्यक्रममा बोल्दै प्रमुख अतिथि शिक्षा विकास तथा समन्वय इकाइ कास्कीका प्रमुख नारायणप्रसाद सुवेदीले सरकारले संस्थागत विद्यालयलाई कहिल्यै पनि समस्यामा पार्न नखोजेको बताए ।

‘सरकारले गर्ने काम संस्थागत विद्यालयले गरेको छ । यसकारण पनि सरकार संस्थागत विद्यालयप्रति कहिल्यै पूर्वाग्रही हँुदैन,’ उनले भने,‘ नीति नियम बनाउँदा पर्याप्त परामर्श नभएर कमी कमजोरी भयो होला यसलाई सुधार्दै लैजानु पर्दछ ।’

नेसनल प्याब्सानका केन्द्रीय वरिष्ठ उपाध्यक्ष ज्ञानेन्द्रमोहन भट्टराईले संस्थागत विद्यालयको संरक्षणका लागि संस्था स्थापना भएको बताए । एन प्याब्सानका केन्द्रीय महासचिव सुभाष न्यौपानेले सरकारको अक्रमन्यताका कारण निजी विद्यालय धरासायी बनेको उल्लेख गरे ।

पोखरा महानगरपालिका शिक्षा महाशाखा प्रमुख हेमप्रसाद आचार्यले महानगरमा सामुदायिक विद्यालय भन्दा निजी विद्यालयमा विद्यार्थी बढी भएकोले महानगरको बोझ निजी विद्यालयले लिएको उल्लेख गरे ।
नेसनल प्याब्सान कास्कीका अध्यक्ष हेमन्त अधिकारीको अध्यक्षतामा भएको कार्यक्रममा द्वितीय उपाध्यक्ष केशवशरण पौडेलले स्वागत र सचिव मनकाजी गुरुङले कार्यक्रम सञ्चालन गरेका थिए ।

Related News

सम्बन्धित समाचार

    • जनकविकेशरी धर्मराज–सावित्री थापा प्रतिष्ठानको सहयोग

      Avatar आदर्श समाज सम्वाददाता माघ ११, २०७७
      पोखरा । जनकविकेशरी धर्मराज–सावित्री थापा प्रतिष्ठान, नेपालबाट प्रकाशित विभिन्न पुस्तक पृथ्वीनारायण क्याम्पस नेपाली विभागलाई हस्तान्तरण गरिएको छ । प्रतिष्ठान अध्यक्ष…
    • जनप्रिय माविले मनायो ५२ औं वार्षिकोत्सव

      Avatar आदर्श समाज सम्वाददाता माघ ११, २०७७
      पोखरा। जनप्रिय माध्यमिक विद्यालयले ५२ औं वार्षिकोत्सव मनाएको छ । सो अवसरमा अभिभावक भेला एवं पुरस्कार वितरण भयो । पोखरा ८…
    • केशवराज रेग्मी प्रतिष्ठानद्वारा सम्मान

      Avatar आदर्श समाज सम्वाददाता माघ ११, २०७७
      पोखरा । संस्कृत भाषामा अध्ययन गर्ने विद्यार्थीको संख्या कम हुँदै जान थालेपछि यसप्रति आकर्षण बढाउन आवासीय पठनपाठन पनि सुरुआत भइरहेको…
    • स्वास्थ्य शिक्षाको शुल्क घटाउन निर्देशन

      Avatar आदर्श समाज सम्वाददाता माघ १०, २०७७
      काठमाडौं । प्रधानमन्त्री केपी शर्मा ओलीले चिकित्सा शिक्षा आयोगका शुल्क निर्धारण सिफारिस कार्यदलले पेस गरेको शुल्क घटाउन निर्देशन दिएका छन्…
    • ‘नेपाली भाषा विषयको अवमूल्यन नगर’

      Avatar आदर्श समाज सम्वाददाता माघ ८, २०७७
      पोखरा । नेपाली भाषा शिक्षक परिषद् कास्कीले केही विद्यालयले कक्षा ११ को अनिवार्य नेपाली विषयलाई पाठ्यक्रम विकास केन्द्रले निर्धारण गरेभन्दा…

    hero news full width

    sanil ads

    wordlink ads