नयाँबजारमा योमरी प्रतियोगिता हुँदै

adarsha samaj आदर्श समाज सम्वाददाता
पौष १७, २०७७

पोखरा । नेवाः मिसा पुच कास्कीले पोखराको नयाँबजारमा ‘योमरी प्रतियोगिता’ गर्ने भएको छ । नयाँ पुस्तालाई योमरीबारे जानकारी गराउन र नेवारी संस्कृति जोगाउन प्रतियोगिता गर्न लागिएको कार्यक्रम संयोजक संगिता ब्रजाचार्यले जानकारी दिइन् ।

योमरी प्रतियोगिताले समुदायबीच आत्मीयता बढाउने नेवा मिसा पुच कास्कीकी अध्यक्ष मेनुका श्रेष्ठले बताइन् । ‘अहिलेको महामारीको समयमा एकखालको आत्मीयता पनि बढ्छ सुरक्षा अपनाएर कार्यक्रम गर्दै छौं,’ उनले भनिन्,‘ युवा समुदायमा पनि योमरीबारे जानकारी हुन्छ ।’

प्रतियोगितामा पोखरा महानगरपालिकाका ३३ वटै वडाका मिसा पुच सहभागी हुँदै छन् । प्रतियोगिता विजेतालाई २ हजार ५ सय नगद, दोस्रो पुरस्कार २ हजार, तेस्रो १ हजार र उत्कृष्टलाई ५ सय रुपैयाँ राखिएको छ ।

प्रमुख समाचार