पैताला उपन्यासमाथि विमर्श

Avatar आदर्श समाज सम्वाददाता
असाेज १०, २०७७
Screen Shot 2020-09-26 at 5.35.39 PM

सिर्जनशील लाेकतान्त्रिक प्रतिष्ठानले शनिवार पैताला उपन्यासमाथि विमर्श कार्यक्रम सम्पन्न गरेको छ ।

प्रतिष्ठानका पूर्व अध्यक्ष प्रा.डा. विष्णुप्रसाद पाैडेलले `पैताला उपन्यासका प्रमुख प्रयाेगहरूकाे विमर्श´ शीर्षकमा कार्यपत्र प्रस्तुत गर्दै उपन्यासमा तन्त्र, मायिक यथार्थ, स्वैरकल्पना, मिथक, अाख्यानकार र समाख्याताबिचकाे द्वन्द्व, श्याम व्यङ्ग्यकाे कलात्मक प्रयाेग भएकाे बताए ।

अत्यधिक प्रयाेगशील शिल्प, अभाैतिक वा अमूर्त तहकाे चिन्तन र कतिपय व्यवस्थापनकाे कम कुशलताले उपन्यास सहज बाेधगम्य नभएकाे तर सचेत बाैद्धिक पाठकका निम्ति अर्थपूर्ण चुनाैतीका रूपमा र लेखकमा अन्तर्निहित प्रचुर सिर्जन सामर्थ्य सम्भावना पनि सहजै ध्वनित भएकाे उनकाे निष्कर्ष थियाे ।

कार्यपत्रमाथि टिप्पणी गर्दै प्रा.डा. गाेविन्दराज भट्टराईले कार्यपत्र स्तरीय भएकाे र प्रयाेगवादी कृतिलाई हेर्ने सैद्धान्तिक धारणा बलियाे देखिएकाे बताए । नेपाली भाषामा लेखिएका महत्त्वपूर्ण पाँच प्रयाेगवादी उपन्यासमा पैताला पर्ने र त्यसप्रति गहिराे दृष्टि कार्यपत्रमा अएकाे उनकाे धारणा थियाे।

कार्यपत्रमाथि टिप्पणी गर्दै समीक्षक राजकुमार बानियाँले कार्यपत्र बलियाे भए पनि उपन्यासमा प्रमुख प्रयाेगका रूपमा देखिएकाे मिथकीय प्रयाेगकाे कम चर्चा भएकाे धारणा राखे । वादका बास्केटबाट माथि उठेर कृतिको समीक्षा गर्नुपर्ने उनकाे धारणा थियाे ।

उपन्यासमाथि उठेका प्रश्नको जवाफ दिँदै सर्जक गनेस पाैडेलले ३५ वर्षसम्म पढेका पुस्तककाे ज्ञानबाट उकुसमुकुस भएर उपन्यास लेखेकाे बताए । उपन्यास लेखनकाे पृष्ठभूमिमा अङ्ग्रेजी पुस्तक `बाटामा बुद्ध भेट्याै भने मारिदिनू´ काे महत्त्वपूर्ण भूमिका रहेकाे उनले बताए । उपन्यास चेतन, अवचेतन तथा अचेतनकाे तहबाट संरचित भएकाे कुरा पनि उनले बताएका थिए ।

डा. जगन्नाथ रेग्मी, डा. लक्ष्मीशरण अधिकारी, डा. नवराज न्याैपाने, प्रा.डा. कुमार काेइराला, टङ्क बराल, डा. सवीन्द्र भण्डारी, सञ्जीव पाैडेल, ईश्वरमणि अधिकारी, सुरज पाैडेल तथा यादवराज उपाध्यायले कार्यपत्रमाथि जिज्ञासा राखेका थिए ।

कार्यक्रमकाे अध्यक्षता गरेका प्रतिष्ठानका अध्यक्ष डा. भूमिराज बस्ताकाेटीले कार्यक्रमकाे उद्देश्यमाथि प्रकाश पारेका थिए भने उपाध्यक्ष सुरज पाैडेलले धन्यवाद ज्ञापन गरेका थिए । कार्यक्रमकाे सञ्चालन सचिव डिल्लीराम पाैडेलले गरेका थिए ।

Related News

सम्बन्धित समाचार

    • घरबेटीकी छोरी

      सुरेश बडाल फागुन २२, २०७७
      बिजुलीभन्दा तेज गतिमा निकाली डंगुरबाट सानो लुगाको टुक्रा । अनि खितिति हाँस्दै निस्किई मेरो कोठाबाट । ऊ गई मेरो मनमा…
    • रवीन्द्र अधिकारीकाे स्मृति ग्रन्थ सार्वजनिक

      Avatar आदर्श समाज सम्वाददाता फागुन २१, २०७७
      काठमाडौं । ताप्लेजुङमा हेलिकप्टर दुर्घटनामा निधन भएका तत्कालीन संस्कृति पर्यटन तथा नागरिक उड्डयनमन्त्री रवीन्द्र अधिकारीको जीवनवृतान्त समेटिएको पुस्तक ‘स्मृतिमा रवीन्द्र…
    • गैंडाकोटको हर्कपुरमा फाइनप्रिन्ट फिभर

      Avatar आदर्श समाज सम्वाददाता फागुन २०, २०७७
      काठमाडौं । विश्वव्यापी रूपमा फैलिएको कोभिड–१९ को प्रभावबाट कुनै पनि क्षेत्र अछुतो रहेन । ठुल्ठूला उद्योग, कलकारखानादेखि ससाना खुद्रे पसल, शैक्षिक…
    • ‘चुल्ठो’ : कविताको खडेरीमा राहत

      धनबहादुर गुरुङ फागुन १९, २०७७
      पोखरा, १९ फागुन । कवि, उपन्यासकार सहित्यकार सरस्वती प्रतीक्षाको भनाइ सापटी लिने हो भने, केही समय अगाडिसम्म पोखरामा कविताको खडेरी…
    • पोखरा प्रज्ञा प्रतिष्ठान कुलपति, प्राज्ञ सदस्यले लिए सपथ

      Avatar आदर्श समाज सम्वाददाता फागुन १९, २०७७
      पोखरा । पोखरा प्रज्ञा प्रष्ठिानका कुलपतिसहित प्राज्ञ सदस्यले सपथ लिएका छन् । पोखरा महानगरको हलमा आयोजित कार्यक्रममा मेयर मानबहादुर जिसीले कलुपति…

    hero news full width

    sanil ads

    wordlink ads