कहरमा बन्यो लघु चलचित्र

Avatar आदर्श समाज सम्वाददाता
भाद्र १४, २०७७

पोखरा । गीतल प्रतिष्ठान नेपाल तथा नाटक मञ्च तनहुँको प्रस्तुतिमा लघु चलचित्र ‘कहर’ सार्वजनिक भएको छ।

आकाश अधिकारीको कथा रहेको लघुचलचित्र ‘कहर’ मा दिवाकर भट्टराई, हरिश्चन्द्र वाग्ले, कल्पना घिमिरे, रामकृपा भण्डारी, रामचन्द्र पौडेल (रामु) लगायतका कलाकारको भूमिका रहेको छ।

कोपिला सुनारको छायांकन र भिडियो छायांकन रहेको चलचित्रको निर्देशन समुद्र पौडेलले गरेका हुन् ।

कोरोनाका कारण पत्रिका वितरकको परिवारमा देखा परेको समस्या लघुचलचित्रमा उतारिएको लेखक आकाश अधिकारीले जानकारी दिए ।

चलचित्रमा कोरोनाले पारेको प्रभाव उतार्ने प्रयास गरेको निर्देशक समुन्द्र पौडेलले बताए । ‘कोरोनाले घरभाडामा बस्ने व्यक्ति, साना व्यवसायी, सर्वसाधारण सबै वर्गलाई समस्यामा पारेको छ,’ उनले भने, ‘यही विषयबस्तु चलचित्रमा समेटेका हौं ।’