गाईजात्रा मनाइयो

Avatar आदर्श समाज सम्वाददाता
श्रावण २०, २०७७

पोखरा, २० साउन । विभिन्न कार्यक्रमको आयोजना गरी पोखरामा परम्परागत गाईजात्रा निकालियो । कोरोना भाइरस संक्रमणलाई मध्यनजर राख्दै भीडभाड नगरी सिमित क्षेत्रमा यात्रा गरी गाईजात्रा मनाइएको छ ।

यस अघिका वर्षहरुमा जात्रामा रामायण निकाल्ने र तायमचा नृत्य समेत हुने गर्दथ्यो । यस वर्ष उक्त कार्यक्रम स्थगीत गरिएका हुन् ।

पोखरा बगालेटोलमा टोलका सात घरबाट निकालिएको गाईजात्रा टोलकै गणेश मन्दिर पुगेर घर फर्काईएको थियो ।

यस दिन एक वर्ष भित्र निधन भएका आफन्तको सम्झनामा गाई वा मानिसलाई गाईको रुपमा सिंगारी आ–आफ्नो क्षेत्रमा घुमाउने गरिन्छ । साथै दूध, फलफूल, रोटी, चिउरा, दही आदिका साथै अन्न तथा द्रव्यदान गर्ने चलन छ । यसरी जात्रा सहित परिक्रमा गर्नाले मृतकलाई शान्ति प्राप्त भई मुक्त हुने धार्मिक विश्वास छ ।