स्याङ्जा । पुतलीबजार नगरपालिका मंगलबारदेखि पूर्ण बन्द गरिने भएको छ । कोरोना भाइरस संक्रमण बढेसँगै नगरपालिका बन्द हुने भएको हो ।

कोभिड क्राईसिस म्याजेजमेन्ट सेन्टरकोे बैठकले मंगलबारदेखि १० दिनका लागि पुतलीबजार शिल गर्ने निर्णय गरेको प्रमुख जिल्ला अधिकारी गंगााबहादुर क्षेत्रीले जानकारी दिए ।

नगरभित्र कोरोना संक्रमण फैलन नदिने उदेश्यले अत्यावश्यक काम बाहेक बाहिर ननिस्कन नगरबासीलाई आग्रह गरिएको छ । प्रजिअ क्षेत्रीका अनुसार ‘सार्वजनिक तथा निजी सवारी साधन सबै बन्द गरिने, अत्यावश्यक बाहेक सम्पूर्ण पसलहरु बन्द गरिने, बैंक तथा वित्तिय संस्थाले नियन्त्रित भई स्वास्थ्य सुरक्षा मापदण्ड अपनाई सेवा प्रवाह गर्नु पर्ने, अत्यावश्यक बाहेकका पसल तथा अन्य ब्यवसाय, उद्योग बन्द गराउन व्यवसायीका छाता संगठनलाई जानकारी गराएका छौं ।

जिल्ला प्रहरी कार्यालयमा कार्यरत २१ जना प्रहरी कर्मचारीमा कोरोना पुष्टि भएसंगै संक्रमण समुदायमा फैलन नदिन नगरपालिका शिल गरिएको हो । पुतलीबजारमा हालसम्म २८ जना कोरोना संक्रमित पुष्टि भएका छन भने ५ जना निको भएर घर फर्केका नगर स्वास्थ्य प्रमुख बिष्णु काफलेले जानकारी दिए ।