पोखरा, ३१ असार । क्रियाशील तमु(गुरुङ)कलाकार संघ गण्डकी प्रदेश समितिले ६२ जना तमु कलाकारहरुलाई राहत वितरण गरेको छ।

पोखरा ९ नयाँबजारस्थित तमु धिं नेपालमा मंगलवार तमु कलाकार संघ प्रदेश समितिले कार्यक्रम आयोजना गरी कोभिड १९ कोरोना भाइरस र लामो लकडाउनबाट प्रभावित तमु कलाकारहरुलाई पहिलो चरणको राहत वितरण गरेको हो।

कोभिड १९ बाट समस्यामा परेका ३६ जना कलाकारहरुलाई चामल, दाल, तेल, नुन, सोयबिन, चिउरा लगायतको प्याकेज र पोखरामा घरभाडा तिर्नुपर्ने २६ जना संघका कलाकारहरुलाई घरभाडा स्वरुप नगद सहयोग वितरण गरिएको वताइएको छ ।

प्रमुख अतिथि प्रदेश सभा सदस्य मनबहादुर गुरुङ, तमु धिं नेपालका कार्यवाहक अध्यक्ष हुमबहादुर गुरुङ तमु कलाकार संघका केन्द्रीय महासचिव गणेश गुरुङ, संघका गण्डकी अध्यक्ष सुरेन्द्र गुरुङ लगायतले राहत वितरण गरिएको हो । समितिको अभियानमा स्वदेश एवम विदेशमा क्रियाशील २१ संघ संस्था एवम सहयोगदाताहरुबाट सहयोग प्राप्त भई पहिलो चरणको राहत वितरण शुरु गरिएको हो ।