पोखरा, २७ वैशाख । नेपाल प्रेस युनियन कास्कीले साधारण सदस्य दामोदर आचार्यलाई परेको पितृशोकप्रति दुःख व्यक्त गरेको छ।

उनका बुबा घनश्याम आचाार्यको पोखरा ११ काँहुस्थित निवासमा ८५ वर्षको उमेरमा शुक्रबार निधन भएको हाे। स्व. आचार्य साविक काँहु गाविसको नेपाली काँग्रेसका संस्थापक सभापति हुन्। उनले काँहु देउराली बहुउद्देश्यीय सहकारी संस्थाको भवन निर्माणका लागि जग्गा दिएका थिए। उनी रवीबाली खेती अभियानका अभियन्ता पनि हुन् ।

स्व. आचार्यका तीन छोरा र पाँच छोरी छन्। तीन छोरामध्य दामोदर माइला छोरा हुन्। दामोदर नेपाली काँग्रेस पोखरा ११ वडा कार्यसमितिका सचिव हुन्। जेठा छोरा भेषराज आचार्य प्रेस युनियन कास्कीका पूर्व सचिव हुन्। कान्छा छोरा शिवराज आचार्य व्यवसायमा संलग्न छन्।

नेपाल प्रेस युनियन कास्कीका सभापति नवीन सिग्देल र सचिव प्रदीप पौडेलले शोक विज्ञप्ति प्रकाशित गरी दिवगंत आत्माको चिरशान्तिको कामना गर्दै शोक सन्तप्त परिवारजनमा समवेदना व्यक्त गरेका हुन्।

त्यस्तै, नेपाली काँग्रेस क्षेत्र नं २ कास्कीका सभापति माधव बास्तोला ‘मधु’ले पनि शोक विज्ञप्ति प्रकाशित गरी आचार्यको निधनले पार्टीमा अपुरणिय क्षति पुगेको उल्लेख गरेका छन्।

विज्ञप्तिमा दिवगंत आत्माको चिरशान्तिको कामना गर्दै शोक सन्तप्त परिवारजनमा समवेदना व्यक्त गरिएको छ।