पोखरा, १९ वैशाख । कास्कीको अन्नपूर्ण पदमार्गमा आएको हिउँ पहिरोमा परी साडे तीन महिनादेखि वेपत्ता बाँकी दुईको शब पनि भेटिएपछि हराएका सबै सात जनाको खोजी कार्य सम्पन्न भएको छ ।
कास्कीको अन्नपूर्ण गाउँपालिका– ११ स्थित अन्नपूर्ण आधार शिविर (एबीसी) जाने पदयात्रा मार्गको हिंकु केभ क्षेत्रमा गत माघ ३ गते हिउँ पहिरो आउँदा चार कोरियाली पदयात्री र उनीहरुका तीन नेपाली पदयात्रा मजदूरहरु गरी सात जना हिउँमा पुरिएर हराउन पुगेका थिए । हराएका बाँकी अरु पदयात्री र मजदूरहरुको शव यसअघि नै भेटिएको थियो ।
जिल्ला प्रहरी कार्यालय कास्कीका प्रबक्ता डीएसपी राजकुमार केसीले शुक्रबार विहान भेटिन बाँकी एक कोरियाली पर्यटक र एक नेपाली मजदूरको शव भेटिएको पुष्टि गरे । पहिरो क्षेत्र भन्दा तलपट्टि बग्ने मोदी खोलाको किनार भन्दा केही माथि ती शब भेटिएको केसीले सुनाए । भेटिएको शब मध्ये एउटा नेपाली पोर्टर छिरिङ भोटेको भएको जनाइएको छ ।
शवहरुलाई शुक्रबार नै हेलिकोप्टरमा पोखरा ल्याएर काठमाडौं लगिने योजना बनाइएको प्रहरीले जनाएको छ । नेपाली सेना, नेपाल प्रहरी, स्थानीय सेन्चुरी युवा क्लब, ट्रेकिङ एजेन्सिएज एशोसिएशन अफ नेपाल (टान), अन्नपूर्ण संरक्षण क्षेत्र आयोजना र स्थानीय होटल व्यवसायी विभिन्न समयमा खोजी तथा उद्धार कार्यमा जुटेका थिए ।
यसअघि नेपाली गाइड सरोज परियारको शव गत मध्ये फागुनमा, अर्का नेपाली पोर्टर मेमबहादुर तामाङको शव यही बैशाख ११ गते, दुई कोरियालीको शव गत शनिबार र अर्का एक कोरियालीको शव गत सोमबार भेटिएको थियो । शव भेटिएका कोरियालीमा ५७ वर्षीय ली मिन सु, ५३ वर्षीया किम सुक जा, ५९ वर्षीय जियोङ पिल बोङ र ३८ वर्षीया चोई ह्यो वन रहेका छन् ।
चार हजार एक सय ३० मिटर उचाईमा रहेको अन्नपूर्ण आधार शिविरको पदयात्रामा हिंडेका पदयात्री, गाइड र पोर्टर भारी हिमपात हुँदा गन्तव्यमा पुग्न नसकी फर्कने क्रममा तीन हजार दुई सय मिटर उचाई हाराहारीको हिंकु केभ क्षेत्रमा आएको पहिरोमा परेका थिए ।
कास्कीको घान्द्रुक वा लान्द्रूकबाट पैदलयात्रा गरी पाँच देखि सात दिनमा सम्पन्न गर्न सकिने एबीसी पदयात्रा अन्नपूर्ण क्षेत्रको एक महत्वपूर्ण गन्तव्य हो । लान्द्रुक वा घान्द्रुकबाट छोमरोङ, सिनुवा, ब्याम्बू, दोभान, हिमालय, देउराली, माछापुच्छरे आधारशिविर हुँदै एबीसी पुग्न सकिन्छ ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१