पोखरा, १३ वैशाख । गण्डकी प्रदेशका मुख्यमन्त्री पृथ्वीसुब्बा गुरुङले कोभिड–१९ को जोखिम हुन नदिन जारी बन्दाबन्दीका बीच उत्पादन र निर्माणलाई रोक्न नहुने बताउनुभएको छ ।
प्रदेश सरकारले कोरोनाको जोखिम हुन नदिन गरेका काम एवं जारी बन्दाबन्दीका सन्दर्भमा सञ्चारकर्मीसँगको अन्तरक्रियामा उहाँले उत्पादन र निर्माण प्रभावित बन्दा सर्वसाधारणको दैनिकीका साथै मुलुकको अर्थतन्त्रमा असर पुग्ने देखिएकाले यसलाई सँगसँगै अघि बढाउन जोड दिनुभयो ।
उत्पादन र निर्माण ठप्प हुँदा जनजीवन थप असहज जस्तो बनिरहेको उल्लेख गर्दै मुख्यमन्त्री गुरुङले बन्दाबन्दी जारी रहेका अवस्थामा उत्पादन र निर्माणको कार्यलाई सुरक्षित तवरले अघि बढाउने सोच राखेको जानकारी दिनुभयो ।
औपचारिक अर्थतन्त्रलाई बलियो नबनाएसम्म राज्य बलियो नहुने बताउँदै उहाँले सङ्घ, प्रदेश र स्थानीय तहबाट सञ्चालित विकास निर्माणका कार्य अघि बढ्ने र मजदुरको दैनिकीमा पनि राहत मिल्ने विश्वास व्यक्त गर्नुभयो ।
कोरोना भाइरसको जोखिमलाई अवसरका रुपमा लिनुपर्ने उल्लेख गर्दै मुख्यमन्त्री गुरुङले भन्नुभयो, “मुलुकमा स्वास्थ्य सेवालाई प्रभावकारी बनाउनुपर्ने आवश्यकता यतिखेर पुष्टि भएको छ ।”
गण्डकी प्रदेशका प्रत्येक जिल्ला अस्पतालमा विशिष्ट सेवा प्रदान गर्ने लक्ष्यका साथ भौतिक निर्माण एवं आवश्यक स्वास्थ्य उपकरणको व्यवस्था गरिने तयारी भइरहेको जानकारी दिँदै उहाँले हिमालपारिका जिल्ला मनाङ र मुस्ताङमा दुई/दुई र अन्य नौ जिल्लामा पाँच श्ययाको आकस्मिक कक्ष निर्माण गरिने जानकारी दिनुभयो ।
प्रदेशको बागलुङ जिल्लामा देखिएका दुईजना कोरोना सङ्क्रमित धौलागिरि अञ्चल अस्पतालबाट उपचार गरी निको भएर घर फिर्ता भइसकेको बताउँदै मुख्यमन्त्री गुरुङले अन्य सङ्क्रमित नभए पनि बाहिरी जिल्लाबाट आउने व्यक्तिबाट रोग सर्न सक्ने भएका कारण प्रत्येक व्यक्ति सचेत हुनुपर्नेमा जोड दिनुभयो ।
कोरोना भाइरसको रोगथाम, नियन्त्रण र उपचारका लागि प्रदेश सरकार, स्वास्थ्यकर्मी सम्पूर्ण क्षमताका साथ लागेका कारण सफलता प्राप्त भएको स्पष्ट पार्दै उहाँले सङ्क्रमण रोगथाम तथा नियन्त्रणका लागि आवश्यक लगानी र जनशक्ति व्यवस्था गरिने बताउनुभयो ।
गण्डकी प्रदेशमा हालसम्म बाहिरबाट आएका ४७ हजारजनाको पिसिआर, आरडिटी परीक्षणमा नेगेटिभ देखिएको बताउँदैउहाँले प्रदेश सरकारले पश्चिमाञ्चल क्षेत्रीय अस्पताललाई कोरोना डेडिकेटेड अस्पतालका रुपमा विकास गरी १० श्ययाको आइसियु कक्ष सञ्चालन गरेको बताउँदै मुख्यमन्त्री गुरुङले लेखनाथ लायन्स सामुदायिक अस्पताललाई सरुवारोग नियन्त्रण अस्पतालका रुपमा विकास गर्ने तयारी भइरहेको जानकारी दिनुभयो ।
Related News
सम्बन्धित समाचार
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
दीर्घकालीन असर गर्ने निर्णय नगर्न अधिकारी सरकारका नाममा अन्तरिम आदेश- हेर्नुहोस् आदेश
hero news full width
मुख्य समाचार
सराङकोटमा सहिद स्मृति भवन निर्माण
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१बलात्कार मुद्दामा सन्दीप लामिछानेले पाए सफाइ
जेठ २, २०८१व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१