पोखरा । सरकारले एकैपटक ६० जना सहसचिवको सरुवा गर्दा गण्डकी प्रदेशका २ जना सचिव फेरिएका छन् । बजेटको चटारोका बीच गण्डकीका आर्थिक मामिला सचिव बलराज रिज्यालको सरुवा भएको छ । उनी सञ्चार तथा सूचना प्रविधि मन्त्रालयमा जाने भएका भएका छन् ।

गण्डकीको अर्थसचिवमा संघीय मामिला तथा सामान्य प्रशासन मन्त्रालयको अतिरिक्त समूहमा रहेका पुरुषोत्तम शर्मा आउने भएका छन् ।

यसैगरी मुख्यमन्त्री तथा मन्त्री परिषदको कार्यालयका सचिव तीर्थराज भट्टराईको पनि सरुवा भएको छ । उनको गृह मन्त्रालयमा सरुवा भएको छ । यसअघि पनि गृह र मातहत लामो समय काम गरेको अनुभव उनीसँग छ ।

तीर्थराज भट्टराई

उनको ठाउँमा संघीय मामिला तथा सामान्य प्रशासन मन्त्रालयको अतिरिक्त समूहबाट विनोद लामिछाने आउने भएका छन् । प्रदेशका दुवै सचिवको एक वर्ष पनि नपुगी सरुवा भएको हो ।

२ साता अघि प्रदेशका कानुन सचिव शम्भुराज रेग्मीको सरुवा भएको थियो । उनको ठाउँमा धर्मराज कुइँकेल आइसकेका छन् । गण्डकीमा कुइँकेलको आगमन यो तेस्रोपटक हो ।

सरुवा अनुसार सार मधेशी आयोगका सचिव रहेका बसन्त अधिकारीलाई गृह मन्त्रालयमा पठाइएको छ । रुद्रप्रसाद पण्डितलाई गृहबाट संस्कृति पर्यटन तथा नागरिक उड्डयन मन्त्रालयमा लगिएको छ । उद्योगमा रहेका रामचन्द्र तिवारी गृहमा आएका छन् ।

हालै बढुवा भएका कास्कीका केदार बरालले कर्णालीको उद्योग, पर्यटन वन तथा वातावरण मन्त्रालयमा सचिवको जिम्मेवारी वन सचिवको जिम्मेवारी पाएका छन् । उनी वन समूहका हुन् ।

गृहमन्त्रालयमा रहेका महादेव पन्थले लुम्बिनी प्रदेशको निमित्त प्रमुख सचिवको जिम्मा पाएका छन् ।