पोखरा महानगरपालिकाले लकडाउनका कारण भोकभोकै परेका गरीब तथा विपन्न परिवारलाई निःशुल्क खाना खुवाउने भएको छ ।
महानगर प्रमुख मानबहादुर जिसीले राहत वितरणमा समेत विभिन्न गुनासो बढ्दै जान थालेपछि स्थायी समाधानका लागि महानगर आफैले सबै ३३ वटा वडामा निःशुल्क खानाको व्यवस्था गर्न लागेको बताए ।
महानगरभित्रका कोही पनि मानिस भोकभोकै मर्नु नपरोस् भन्ने उद्देश्यले सबै वडामा सामान्य दाल, भात र तरकारीको व्यवस्था गरी खाना खुवाउने तयारी गर्न लागिएको उनले बताए । खाना पकाउन आवश्यक भाँडाकुँडा सहित आवश्यक खाद्यसामाग्री महानगर आफै व्यवस्था गर्नेछ भने सोको नेतृत्व सम्बन्धित वडालाई दिइनेछ । सो अनुरुप अब खान नपाएका विपन्न वर्गका लागि वडाका विभिन्न केन्द्रमा पाक्ने छ । उनीहरुले त्यहाँ गएर खान सक्नेछन् ।
राहत सामग्री सहयोग गर्न चाहनेले भने सम्बन्धित वडामा खाद्यान्न सामाग्री हस्तान्तरण गर्न सक्नेछन् । पहिलो चरणमा वडास्तरमा राहत वितरण गरेको महानगरले हाल भने राहत पाउनुपर्ने वर्गको घरघरमै खाद्यसामग्री पठाउने गर्दैआएको छ ।
पोखरा महानगरपालिकाले स्थापना गरेको राहत कोषमा समेत सहयोग आउने क्रम जारी छ । हालसम्म ३ करोड ८२ लाख १८ हजार रुपैयाँ संकलन भैसकेको महानगरले जनायो । पोखरा महानगरपालिकाले २ करोड राखेर राहत कोष स्थापना गरेको हो भने कोषमा महानगरका सम्पूर्ण कर्मचारीको ४८ लाख ५० हजार, प्रदेश सरकारको १ करोड र विभिन्न व्यक्ति तथा संघ संस्थाहरुले सहयोग गरेका छन् ।
पछिल्लो समय नेपाल निर्माण व्यवसायी संघ कास्कीले एक लाख सहयोग गरेको छ । कृषि बजार व्यवस्थापन समिति पोखराले ५५ हजार, राष्ट्रिय फलफूल तथा तकारी थोक व्यवसायी संघ कास्कीले ५१ हजार सहयोग गरेका छन् ।
यसैगरी, बुद्ध बचत तथा ऋण सहकारी संस्था २५ हजार, सञ्चार बचत तथा ऋण सहकारी संस्था २० हजार, सिर्जना महिला बचत तथा ऋण सहकारी १० हजार, फलौरा बहुउद्देश्यीय सहकारी १० र पोखरा ४ का सुरेशचन्द्र कोइरालाले १०/१० हजार सहयोग गरेका छन् । पाल्पाली समाज पोखरा र पाल्पाली बहुउद्देश्यीय सहकारी संस्थाले १०/१० हजार सहयोग गरे ।
असल छिमेकी संघले वडा १ र २५ मा एक एक सय प्याकेज खाद्यान्न, कास्कीमा रहेका चार्टड एकान्टेन्टहरुको पहलमा नेपाल चार्टड एकाउन्टेन्ट संघले ६० थान बुट र सय थान सर्जिकल ग्लोप्स, राष्ट्रिय युवा सञ्जालले वडा नम्बर ३२ को समन्वयमा ५० पोका राहत वितरण गरिएको छ ।
लकडाउनका कारण अति विपन्न र दैनिक ज्यालादारी गर्ने मजदुर लगायत जोखिममा परेका व्यक्तिलाई राहत उपलब्ध गराउन महानगरले स्थापना गरेको कोषमा समितिले सहयोग गरेको हो । पोखरा महानगरपालिकाको विपद् व्यवस्थापन कोष राष्ट्रिय वाणिज्य बैंक पृथ्वीचोकस्थित खाता नम्बर ३०२०३०५०४९४०६ मा रकम जम्मा गर्न सकिने छ ।
-विजय नेपाल
Related News
सम्बन्धित समाचार
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
hero news full width
मुख्य समाचार
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१