पोखरा। पोखरा–५, मालेपाटनमा मध्यरातमा भएको सवारी दुर्घटनामा मानवीय क्षति भने टरेको छ ।
सिर्जनाचोकदेखि मालेपाटनतर्फ जाँदै गरेको बा ११ च ७७३५ नम्बरको निजीकार सोमबार राति साढे १२ बजे पोखरा–बागलुङ राजमार्ग अन्तर्गत विद्युत कार्यालय नजिक डिभाइडरमा ठोक्किएर दुर्घटनामा परेको हो ।
ठक्करबाट कारको अगाडि भाग पूर्ण क्षति भएको छ । कारका सिसासहितका टुक्राहरु सडकभरि छरपस्ट छन् । सडक डिभाइडर समेत भत्किएको छ ।
नजिकै घरको बरण्डामा सुतिरहेका एक स्थानीयले ठूलो आवाज आएको सुनेपछि हतारिँदै दुर्घटनास्थल पुग्दा चालक र एक यात्रु भने सकुशल रहेको देखेका थिए । उनीहरु कारबाट बाहिर निस्कने प्रयास गर्दै थिए । अर्की एक स्थानीय महिलाले आफ्नो पार्किङ गरेको कारमा कसैले आएर हानेको जस्तो सुनेको बताइन् । राजमार्गतिर हेर्दा त धेरै मानिसहरु दौडिरहेको देखेको बताइन् । प्रहरीलाई खबरपछि सशस्त्र प्रहरीको मालेपाटन गण तथा वडा प्रहरी कार्यालय बैदामको टोली दुर्घटनास्थल आएको थियो ।
प्रहरीका अनुसार कारचालक पोखरा छोरेपाटनका प्रकाश रेग्मी हुन् । रेग्मीले मदिरा सेवन गरेका छन् । आफ्नो साथी बताउने २४ वर्षीया युवतीलाई सिर्जनाचोकदेखि मालेपाटनसम्म छोड्न भनी जान लाग्दा तीव्र गतिका कारण कार दुर्घटनामा परेको प्रारम्भिक अनुसन्धानले देखिएको प्रहरीले जनायो । चालक र यात्रु दुवै जना सकूशल छन् । कार हटाउन अनेक प्रयास भए पनि प्रहरी र स्थानीय असफल छन् । राति २ बजेसम्म कार सडकमा तेर्सो परेको छ । जसका कारण अर्को दुर्घटनाको जोखिम बढेको छ ।
उक्त राजमार्गको स्तरोन्नति गरिएसँगै सुविधासम्पन्न भए पनि असीमित गतिका कारण दिनहुँजसो सवारी दुर्घटना निम्तिने गरेको पाइन्छ।
तस्बिरः विजय नेपाल
Related News
सम्बन्धित समाचार
कांग्रेस नेता खगेन्द्रराज रेग्मीको निधन
लियो क्लब चौतारीमा सहनशील
टाइगर कपको आयव्यय सार्वजनिक, साढे १८ लाख बचत
पहिले छाती नाप्न गल्ला आउँथे, अहिले एजेन्ट
जग्गाधनीले रोके रुपाताल परियोजनाको काम
hero news full width
मुख्य समाचार
चेक बाउन्सको समस्याले व्यवसायी र प्रहरीलाई हैरान
मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
वैशाख ३०, २०८१नियन्त्रित मुद्रास्फीति, शोधनान्तर र चालुखाता बचतमा
वैशाख ३०, २०८१फेवाबाट जलकुम्भी हटाउन अभियान सुरु
वैशाख ३०, २०८१चुच्चे नक्साको विवादमा तानिएपछि राष्ट्रपतिका आर्थिक विज्ञले दिए राजीनामा
वैशाख ३०, २०८१भाँगो र आलुसँग चामल साटेर गुजारा गर्दै बागलुङको रमुवाका बासिन्दा
वैशाख ३०, २०८१