कोरोनाले विश्व खेलजगत ठप्प पारेपछि अन्तर्राष्ट्रिय ओलम्पिक कमिटी (आइओसी)ले ओलम्पिक छनोटको नयाँ समय सीमा निर्धारण गरेको छ ।

आइओसीले सार्वजनिक गरेको नयाँ तालिका अनुसार ओलम्पिक छनोट अर्को बर्षको जुन २९ भित्र सक्नुपर्नेछ । यस बर्ष हुने टोकियो ओलम्पिक जुलाई २४ देखि अगष्ट ९ सम्म हुने तय थियो । तर, कोरोना भाइरसको महामारीको कारण प्रतियोगिता यस बर्ष स्थगित गरिएको थियो ।

लगत्तै, सदस्य राष्ट्रसंग छलफल गरेर आइओसीले ओलम्पिक आयोजना २०२१ मा जुलाई २३ देखि अगष्ट ८ सम्म आयोजना गर्ने नयाँ मिति तय गरेको थियो ।

नयाँ छनोट तालिका २०२१ जुन २९ सम्मका लागि हुनेछ । सोही समयमा रहेर अन्तर्राष्ट्रिय महासंघले आफ्नो छनोट समय सीमा निर्धारण गर्न सक्नेछन् । तर, सबै तालिका जुन २९ अगाडिनै तय हुनुपर्ने आइओसीले जनाएको छ ।